रोमियों 11:13 - नुवो नेम (मेवड़ी नया नियम)

¹³ अबे मूँ थाँ ज्यो यहूदी ने हो, थाँकाऊँ केरियो हूँ। काँके जस्यान खासतोर मूँ ज्यो यहूदी ने हे वाँ मनकाँ का वाते थरप्यो तको चेलो हूँ, अन मने मारा काम में गुमान हे काँके में मारा काम में पूरो मन लगा राक्यो हे।

रोमियों 11:13 Iomraidhean Croise

थरप्या तका का काम 13:2

वे जद्याँ वरत करता तका परबू की मेमा कररिया हा, तद्याँई पुवितर आत्मा क्यो, “बरनबास अन साउल ने जीं काम के वाते में बलाया हा, वीं काम के वाते वाँने न्यारा कर दो।”

थरप्या तका का काम 22:21

अन परबू माराऊँ क्यो, “जा, काँके मूँ थने जो यहूदी ने हे वाँका बचमें नरई छेटी-छेटी खन्दाऊँ।”

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

गलातियों 1:16

जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।

गलातियों 2:2

अन मारो वटे जाणो परमेसर की पुवितर आत्मा के केबाऊँ व्यो, ज्यो हव हमच्यार को परच्यार मूँ ज्यो यहूदी ने हे वाँका में करूँ, वणी हमच्यार का बारा में छानेकूँ वाँने बता दिदो जीं मण्डली में मोटा हमज्या जाता हा, मूँ वटे ईं वाते ग्यो काँके परमेसर मने दरसण दिदो हो के, मने वटे जाणो छावे, ताँके अस्यो ने वे, ज्यो काम में पेला किदो अन ज्यो अबाणू कररियो, वो फोगट को ठेरे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

1 तिमुतियूस 2:7

अन ईं गवई ने जी यहूदी ने हे वणामें हुणाबा का वाते मूँ एक हिक देबावाळा अन ईसू को थरप्यो तको चेलो बणायो ग्यो हूँ, ताँके विस्वास का सन्देस अन हाँच को हेलो पाड़ सकूँ। मूँ जूटो कोयने हूँ, मूँ हाँच बोलरियो हूँ।