रोमियों 10:3 - नुवो नेम (मेवड़ी नया नियम)

³ काँके वीं परमेसर की धारमिकताऊँ अणजाण वेन वीं आपणी धारमिकता का थापणा करबा की कोसीस कररिया हे। ईं वाते वणा परमेसर की धारमिकताने ने मानी।

रोमियों 10:3 Iomraidhean Croise

लूका 10:29

पण, वणी आपणाँ खुद ने धरमी बतावा की मरजी राकते तके ईसुऊँ क्यो, “मारो पड़ोसी कूण हे?”

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

रोमियों 1:17

काँके हव हमच्यार बतावे हे के, परमेसर मनकाँ ने कस्यान आपणाँ वाते सई करे हे। ओ सरुवातऊँ लेन आकरी तईं विस्वास पे टक्यो तको रेवे हे। जस्यान के पुवितर सास्तर में लिक्यो तको हे के, “विस्वासऊँ धरमी मनक जीवतो रेई।”

रोमियों 10:2

काँके मूँ वाँकी गवई दे सकूँ के, वाँका में परमेसर की धुन हे। पण वाँ ग्यान पे ने टकी तकी हे।

रोमियों 10:20

पछे यसाया हिम्मत का हाते क्यो हे के, “मूँ वाँने मल्यो जीं मने ने होदरिया हा।” “मूँ वणा वाते परगट व्यो, ज्यो मारी खोज खबर ईं कोयने ही।

रोमियों 11:7

तो ईंको कई मतलब? इजराएल का मनकाँने वो ने मल्यो, जिंने वीं होदरिया हा, पण चुण्या तका ने वो मलग्यो। अन बाकी हाराई का मन ने गाटा कर दिदा ग्या।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 3:26

ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।

रोमियों 5:19

जस्यान एक मनक के आदेस ने मानबा की वजेऊँ घणा मनक पापी व्या, वस्यानीस एक मनक का आदेस मानबा की वजेऊँ घणा मनकाँ ने परमेसर सई ठेराई।

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

फिलिपियों 3:9

अन मूँ वाँका हाते गट-जोड़ऊँ जी सकूँ। मूँ मूसा का नेमा को पालण करबाऊँ परमेसर का हामे सई ने हूँ, पण ईसू मसी पे विस्वास करबाऊँ परमेसर का हामे सई हूँ। अबे परमेसर केवे हे मूँ वाँका हामे सई हूँ, काँके मूँ विस्वास करूँ हूँ।

2 पतरस 1:1

मूँ समोन जिंको नाम पतरस भी हे, ज्यो परबू ईसू मसी को दास अन थरप्यो तको चेलो हे, मूँ ओ कागद वाँ मनकाँ का नाम लिकरियो हूँ, जीं आपणाँ परमेसर अन छुटकारो देबावाळो ईसू की धारमिकता के वजेऊँ आपणे जस्यानीस विस्वास करे हे।