रोमियों 10:10 - नुवो नेम (मेवड़ी नया नियम)

¹⁰ काँके आपणाँ मन का विस्वासऊँ मनक धरमी बणायो जावे हे अन खुद का मुण्डाऊँ वींका विस्वास ने मानबाऊँ, वो बंचायो जावे हे।

रोमियों 10:10 Iomraidhean Croise

मरकुस 9:23

ईसू वाँने क्यो, “थाँकाणी अस्यान काँ केरिया हो, ‘थाँ कर सको हो तो करो।’ विस्वास करबावाळा मनक के वाते हारोई वे सके हे।”

लूका 8:15

पण हव जगाँ वाया तका बीज वी मनक का जस्यान हे, जी बचन हुणे वी आपणाँ हव अन हाँचा मन में हमाळी राके अन हमेस्यान वींके जस्यानीस चालन वी हव फळ लावे हे।

थरप्या तका का काम 8:37

फिलिपुस जबाव में क्यो, “जद्याँ थूँ आपणाँ मनऊँ भरोसो करे, तो बतिस्मो ले सके।” वे अदिकारी क्यो, “हाँ, मूँ भरोसो करूँ के, ईसू मसी परमेसर को पूत हे।”

रोमियों 10:11

सास्तर केवे हे के, “ज्यो कुई भी वींमें विस्वास करे हे, वींने लाजा ने मरणो पड़ी।”

रोमियों 10:9

यद्याँ थूँ आपणाँ मुण्डाऊँ केवे, “ईसू परबू हे,” अन आपणाँ मन में ओ विस्वास करे के, परमेसर वींने मरिया तकाऊँ जीवतो किदो हे, तो थूँ बंचायो जाई।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

फिलिपियों 3:9

अन मूँ वाँका हाते गट-जोड़ऊँ जी सकूँ। मूँ मूसा का नेमा को पालण करबाऊँ परमेसर का हामे सई ने हूँ, पण ईसू मसी पे विस्वास करबाऊँ परमेसर का हामे सई हूँ। अबे परमेसर केवे हे मूँ वाँका हामे सई हूँ, काँके मूँ विस्वास करूँ हूँ।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

1 यहुन्ना 4:15

ज्यो भी अणी बात ने माने हे के, “ईसू परमेसर को बेटा हे,” तद्याँ परमेसर वींके मयने वास करे हे अन वो परमेसर में वास करे हे।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।