रोमियों 1:30 - नुवो नेम (मेवड़ी नया नियम)

³⁰ वीं गाळ्याँ-गळोच करबावाळा, परमेसरऊँ घरणा करबावाळा, दंगो करबावाळा, मेपणो करबावाळा, फोकटी बाताँ करबावाळा, बुरई करबा का वाते नुवी तरकिब होदबावाळा, बई-बापू की आग्याने ने मानबावाळा।

रोमियों 1:30 Iomraidhean Croise

मत्ती 15:4

काँके परमेसर क्यो, ‘आपणाँ बई-बापू को मान राकज्ये’, अन ‘ज्यो कुई बाप कन बई ने बुरो केवे, वीं मोत का घाट ऊतारिया जावे।’

मत्ती 16:21

वीं टेमऊँ ईसू आपणाँ चेला ने बतावा लागो, “जरूरी हे के, मूँ यरूसलेम जऊँ, अन मूसा का नेमा हिकाबावाळा, यहूदी नेता अन मुक्या याजकाँ का हाताऊँ नरई दुक उठाऊँ, अन मार नाक्यो जऊँ, अन तीजे दन पाछो मरिया तका मेंऊँ जी उटूँ।”

लूका 21:16

अन थाँका बई-बापू, भई-बन्द अन परवार का हण्डाळ्याँ भी थाँने धोकाऊँ पकड़वाई। अटा तईं के थाँकामूँ नरई ने मरवा नाकी।

यहुन्ना 7:7

या दनियाँ थाँकाऊँ नपरत ने राके हे, पण माराऊँ नपरत राके हे, काँके मूँ वाँका विरोद में केऊँ के, वाँका काम बुरा हे।

थरप्या तका का काम 5:36

थोड़ाक वरा पेल्याँ खुद ने मोटो बताबावाळो थियोदास आयो अन च्यारसेक लोग-बाग वींकी लारे वेग्या हा, पण जद्याँ वींने मार दिदो ग्यो तो वींकी लारे का हण्डाळी तितर-बितर वेग्या अन वींको आन्दोलन खतम वेग्यो।

रोमियों 2:17

थूँ खुद ने यहूदी माने हे अन नेमा पे विस्वास करे हे अन परमेसर की वजेऊँ मेपणो करे हे,

रोमियों 2:23

थूँ ज्यो नेमा का बारा में मेपणो करे हे, कई नेमाने ने तोड़न, थूँ परमेसर को अपमान काँ करे हे?

रोमियों 3:27

तो पछे ईंमें मेपणा की कई बात ने री। वो तो खतम वेग्यो हे। यो कस्या नेमा का मस ने अन ने कस्या कामाँ का नेमा का मस, पण यो तो विस्वास का नेमा का मस वेवे हे।

2 कुरिन्थियों 10:15

अन ने माँ दूजाँ की मेनत पे मेपणो करा हा पण आस हे के, जस्यान जस्यान थाँको विस्वास बड़तो जाई वस्यान-वस्यान माँ भी थाँकी वजेऊँ ओरू बड़ता जावा।

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

2 थिस्सुलुनिक्यों 2:4

यो मनक हाराई ने ज्याँने ईसवर अन मूरत्याँ जोगा बोले हे, वाँका हामे वेई अन खुदाखुद ने हाराऊँ मोटो मानी, अटे तईं वो परमेसर का मन्दर में बेटन खुदाखुद ने ईसवर मानी।

2 तिमुतियूस 3:2

काँके मनक मतलबी, लोबी, मेपणा करबावाळा, फाकलेट अन बेजत करबावाळा, आपणाँ बई-बापू को क्यो ने करबावाळा, दया ने करबावाळा, अधरमी वेई।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

याकूब 3:5

अस्यानीस आपणी देह में जीब फोरोक अंग हे, पण मोटी-मोटी बाताँ करे हे। थोड़ोक होचन देको एक फोरीक हळी हाराई जंगल ने बाळ देवे हे,

याकूब 4:16

पण थाँ तो जुट-मुट को मेपणो करो हो। अस्यान को मेपणो बुरो हे।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

यहूदा 1:16

काँके ईं मनक बड़बड़ाबावाळा, दूजाँ मनकाँ पे दोस लगाबावाळा, आपणी मरजी पुरी करबावाळा, मोटी-मोटी बाताँ करबावाळा अन आपणाँ नफो करबा का वाते दूजाँ की चमचागीरी करबावाळा हे।