रोमियों 1:26 - नुवो नेम (मेवड़ी नया नियम)

²⁶ ईं वजेऊँ परमेसर वाँने वाँके हरमऊँ भरी बुरी मरजी में छोड़ दिदा। अन अटा तईं के, वणा की लुगायाँ भी आपणाँ धणी का हाते कुदरती वेवार छोड़न अकुदरती वेवार राकबा लागगी।

रोमियों 1:26 Iomraidhean Croise

रोमियों 1:24

ईं वाते परमेसर वाँने वाँका मन की बुरी मरजी जस्यान छोड़ दिदा के, वीं असुद वेवे अन एक-दूँजा का सरीर का हाते हरम-भरिया हूँगला काम करे।

रोमियों 1:28

वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

1 कुरिन्थियों 6:9

कई थाँ ने जाणो हो के, बुरा मनक परमेसर का राज का वारिस ने वेई? धोको मती खावो अन ने गलत वेवार करबावाळो बण, ने मूरताँ पूजो, ने कुकरम, ने मनक मनक का हाते हुगलो काम करे,

इपिसियों 4:19

हरम की भावना वाँका में ने ही अन वाँकाणी खुद ने हूँगला कामाँ में उळजा दिदा अन अस्या अवारा कामाँ ने हमेस्यान करबा की मरजी राकता हा।

इपिसियों 5:12

काँके अस्या काम ज्याँने वीं छाने करे हे वाँ काम का बारा में बात करणी भी हरम की बात हे।

1 थिस्सुलुनिक्यों 4:5

अन ओ काम परमेसर ने ने मानबावाळा अधरमी लोगाँ का जस्यान बुरा बच्यार राकन ने करणो छावे।

1 तिमुतियूस 1:10

कुकरमी, मनक मनक का हाते कुकरम करबावाळा, मनकाँ ने बेचबावाळा, जूट बोलबावाळा, अन जूटी होगन खाबावाळा, ईंके अलावा खरी हिक को विरोद करबावाळा का वाते ठेरईगी हे।

यहूदा 1:10

पण ईं मनक तो जणा बाताँ का बारा में जाणी कोयने वाँका बारा में भलो-बुरो केवे हे। ईं तो बना हमजवाळा जनावराँ का जस्यान हे, जीं आपणी मरजी का जस्यान करे हे। अस्यान करन ईं खुद को नास कररिया हे।

यहूदा 1:7

यो भी आद अवाड़ूँ हूँ के, सदोम अन अमोरा नगर ने अन वाँके नके का नगराँ का मनकाँ ने जीं कुकरम करता हा अन बुरा काम का गेले चालता हा। परमेसर वाँने कदी ने बजबा वाळी वादी में नाकन वाँने दण्ड दिदो अन या बात आपणाँ वाते हिक बणी।