रोमियों 1:16 - नुवो नेम (मेवड़ी नया नियम)

¹⁶ मूँ हव-हमच्यारऊँ ने हरमऊँ हूँ, काँके यो विस्वास करबावाळा हाराई मनकाँ ने बंचाबा का वाते परमेसर की तागत हे, पेल्याँ यहूदियाँ ने अन पछे ज्यो यहूदी ने हे वाँने।

रोमियों 1:16 Iomraidhean Croise

मरकुस 8:38

जद्याँ कुई मारा अन मारी हिकऊँ, कुकरमी अन पापी जमानाऊँ हरमाई तो मूँ ज्यो मनक को पूत(ईसू) हूँ, जद्याँ पुवितर हरग-दुताँ की लारे परमेसर की मेमा में आऊँ, तो वींका वाते हरमाऊँ।”

लूका 9:26

ज्यो कुई माराऊँ अन मारी बाताँऊँ लाजा मरी तो जद्याँ मूँ, मनक को पूत आपणी अन बापू परमेसर की अन पुवितर हरग-दुताँ की मेमा में पाछो आऊँ तो मूँ भी वाँकाऊँ मुण्डो फेर लेऊँ।

यहुन्ना 7:35

यहूदी अदिकारी एक-दूजाऊँ केबा लागा, “यो कटे जाबावाळो हे, जटे ईंने होदा अन यो ने लादी? कई यो युनानी नगराँ में जाई जटे आपणाँ मनक रेवे हे अन कई युनानी मनकाँ ने हिकाई?

थरप्या तका का काम 3:26

परमेसर जद्याँ आपणाँ दास ईसू ने चुण्यो अन सबाऊँ पेल्याँ वींने थाँका नके खन्दायो, ताँके थाँने खराब गेलाऊँ थाँको मन बदलन आसीस देवे।

रोमियों 10:17

हूणबाऊँ विस्वास आवे हे अन हूणणो मसी का बचनाऊँ वेवे हे।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

रोमियों 15:29

अन मूँ जाणूँ हूँ के, जद्याँ मूँ थाँका नके आऊँ तो मसी का हाराई आसिरवाद लेन आऊँ।

रोमियों 2:9

हरेक मनक पे दुक अन अबकी टेम आई ज्यो बुरई का गेला पे चाले हे। पेली यहूदी मनकाँ पे अन पछे जी यहूदी ने हे वाँका पे।

रोमियों 4:11

ईंका केड़े वणी एक हेन्याण का तरिया खतनो करायो। ज्या विस्वास की वजेऊँ धारमिकता की छाप हे यो विस्वास वणी जदी दिकाया हो जद्याँ वींको खतनो ने व्यो हो। तो वो वाँ हाराई को बापू हे जीं बना खतना का वेन भी विस्वासी हे। ईं वाते ज्यो यहूदी ने हे वीं भी धरमी गण्या जावे।

1 कुरिन्थियों 15:2

अन अणीऊँस थाँ बंचाया जावो हो, पण थाँने अणा बचना ने हूँस्यारी का हाते पकड़न राकणा हे अन यद्याँ थाँ अस्यान ने करो तो थाँको विस्वास करणो बेकार वे जाई।

1 कुरिन्थियों 2:2

काँके में ओ ते कर मेल्यो हो के, थाँका बचमें रेन मूँ ईसू मसी अन हूळी पे वीं वाँकी मोत की बात ने छोड़न ओरी कस्यी बात ने ने जाणूँ।

1 कुरिन्थियों 2:4

अन मारा बचन अन मारा परच्यार में ग्यान की लोब वाळी बाताँ ने ही, पण वणामें परमेसर की आत्मा की तागत को सबूत हो,

1 कुरिन्थियों 9:12

जद्याँ दूजाँ को थाँका पे ओ अदिकार हे, तो कई माँको अणीऊँ हेलो कोयने? पण माँ ओ अदिकार काम में ने लिदो, पण हारोई सेण करता रिया के, माँकाऊँ मसी का हव हमच्यार में कई रोक-टोक ने वेवे।

1 कुरिन्थियों 9:18

ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

2 कुरिन्थियों 2:12

जद्याँ मूँ मसी का हव हमच्यार को परच्यार करबा का वाते त्रोआस आयो हो, तो मारा वाते परबू गेलो खोल दिदो हो।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

2 कुरिन्थियों 9:13

काँके थाँकी ईं सेवाऊँ वीं परमेसर ने मेमा देई, अन अणीऊँ ओ दिके हे के, थाँ मसी का हव हमच्यार ने मानन वींके गलेइस चालो हो अन वाँकी अन हाराई ने मदत करबा का वाते खुला मनऊँ दान देवो हो।

गलातियों 1:7

हाँचई कुई दूज्यो हव हमच्यार कोयने हे, पण बात आ हे अस्या थोड़ाक मनक हे, ज्यो थाँने भेंम में नाके हे अन ईसू मसी का हव हमच्यार ने बगाड़णो छारिया हे।

1 थिस्सुलुनिक्यों 2:13

एक ओरी वजेऊँ माँ थाँका वाते परमेसर को धन्नेवाद करा हाँ के, जद्याँ माँ थाँने परमेसर को हव हमच्यार हुणायो हो जद्याँ थाँ ईंने मनकाँ का आड़ीऊँ ने जाण्यो पण परमेसर को जाणन ईंने मान्यो अन हाँच भी योईस हे, ईं वजेऊँ परमेसर थाँकामें जद्याँ विस्वास करो हो तो काम करे हे।

1 तिमुतियूस 1:11

आ खरी हिक परम परदान परमेसर की मेमा का हव हमच्यार का जस्यान हे, ज्यो मने दिदो ग्यो हे।

2 तिमुतियूस 1:12

अन ईं वजेऊँ मूँ ईं हारई दुक जेलूँ हूँ, पण मूँ ईं वाते हरमा ने मरूँ हूँ, काँके मूँ जाणूँ हूँ के, मारो विस्वास किंपे हे? अन मूँ ईं बात वाते पाको हूँ के, ज्यो कई वणा मने हूँप्यो हे, वींने मसी के पाच्छा आबा का दन तईं बंचाबा में तागतवर हे।

2 तिमुतियूस 1:16

परमेसर उनेसिफुरस का घराणा पे दया करे, काँके वणा घणी दाण मारी मदत किदी हे अन मारा बन्दी वेवा की वजेऊँ भी हरमा ने मरिया हे।

2 तिमुतियूस 1:8

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

इब्रानियों 4:12

परमेसर का बचन तो जीवता अन काम करबावाळा हे, वीं कस्यी तीकी तरवारऊँ भी तिका हे। अन परमेसर को बचन पराण, आत्मा, हन्ट अन गुदा ने अलग करन आर-पार वेवे हे अन मन की मनसा अन बच्यार ने जाँचे हे।

1 पतरस 4:16

पण यद्याँ थाँ एक मसी विस्वासी वेबा की वजेऊँ दुक जेलो हो, तो थाँने हरमा मरबा की कई जरूत ने हे, पण थाँने तो ईं काम की वजेऊँ परमेसर की मेमा करणी छावे।