परकासितवाक्य 9:20 - नुवो नेम (मेवड़ी नया नियम)

²⁰ पछे वीं मनक जो वाँकी मारऊँ बचग्या हा, वणा आपणाँ मन ने ने बदल्यो, पण वीं तो हुगली आत्मा, होना, चाँदी, पीतळ, भाटा अन कांस्या की मूरताँ के, जीं ने बोल सके हे, ने देक सके हे, अन ने चाल सके अन ने हुणन सके, वाँके धोक लागणो ने छोड़्यो।

परकासितवाक्य 9:20 Iomraidhean Croise

मत्ती 21:32

काँके यहुन्नो बतिस्मो देबावाळो धरम को गेलो बतातो तको थाँका नके आयो अन थाँ वींपे विस्वास ने किदो, पण कर लेबावाळा अन वेस्या वींपे विस्वास किदो अन पछे भी थाँ ओ देकन पापऊँ मन ने फेरिया अन ने वींको विस्वास किदो।”

थरप्या तका का काम 17:29

आपीं परमेसर का बंस का वेन आपाँने ओ हमजणो हव ने हे के, परमेसर मनक का हाताऊँ अन कारीगरीऊँ बणाई तकी होना-चाँदी की अन भाटा की मूरताँ के जस्यान कोयने हे।

थरप्या तका का काम 19:26

थाँ देक्यो अन हुण्यो भी हे के, बेस इपिसुस मेंईस ने, पण हंगळा आसिया का लोगाँ ने पोलुस ओ केन भोळाया हे के, जीं हाताऊँ घड्या तका देवताँ हे, वींमें परमेसर ने हे।

थरप्या तका का काम 7:41

अस्यान वाँकाणी एक केल्डा की मूरत बणान वीके आगे बली चड़ई अन वे आपणाँ हातऊँ किदा काम पे राजी वेबा लागा।

2 कुरिन्थियों 12:21

मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।

1 तिमुतियूस 4:1

पुवितर आत्मा सई तरियाऊँ बोले हे के, थोड़ाक टेम का केड़े थोड़ाक मनक विस्वास करणो छोड़ देई, वीं भटकाबाळी आत्मा की जूटी हिक ने मानी अन जूटी आत्मा का क्या में रेई।

परकासितवाक्य 15:1

ईंका केड़े में हरग में एक ओरी अचम्बो करबावाळो हेन्याण देक्यो, में कई देक्यो के, हात हरग-दुत हे अन वाँके नके हात विपत्याँ ही। काँके ईं आकरी नास के पूरो व्या केड़े परमेसर को गुस्सा को भी अंत वे जाई।

परकासितवाक्य 16:8

चोते हरग-दुत आपणी प्यालो सुरज पे उँन्धई दिदो, काँके सुरज ने मनकाँ ने वादी में बाळबा वाळी तागत दिदी गी ही।

परकासितवाक्य 9:19

वणा घोड़ा की तागत मुण्डा अन पुछ में ही काँके वाँकी पुछ हाँप का जस्यान ही, अन वाँकी पुछ के, मातो भी हो, जणीऊँ मनकाँ ने दुक दिदो जारियो हो।

परकासितवाक्य 9:21

अन वणा आपणाँ मन ने हत्या, जादु-टोना, कुकरम, चोरी जो वीं करता हा, वणीऊँ भी ने बदल्यो।