परकासितवाक्य 9:11 - नुवो नेम (मेवड़ी नया नियम)

¹¹ पाताळ को दूत वणा को राजा हो, वींको नाम इबरानी बोली में अबद्दोन अन युनानी बोली में अपुलयोन हो। अणा दुई नामा को अरत नास करबावाळो वेवे हे।

परकासितवाक्य 9:11 Iomraidhean Croise

लूका 8:31

अन वणी ईसुऊँ अरज किदी के, माने पाताळ में जावा को हुकम मती दो।

यहुन्ना 12:31

अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई।

यहुन्ना 14:30

“मूँ अबे थाँकाऊँ ओरी बाताँ ने कर सकूँ हूँ, काँके अणी दनियाँ का हाकम सेतान आवे हे। ईंको मारा पे कई हक ने हे।

यहुन्ना 16:11

अन न्याव की बात ईं वाते बताई, काँके परमेसर पेल्याईं ते कर मेल्यो हो के, ईं दनियाँ का हाकम ज्यो सेतान हे, वो दोसी ठेरायो ग्यो।

यहुन्ना 5:2

यरूसलेम में भेड़ फाटक के नके एक कुण्ड हो, जिंने इबरानी भासा में “बेतसेदा” केता हो अन वींके च्यारूँमेर पाँच टापरियाँ बणी तकी ही।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

इपिसियों 2:2

थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

1 यहुन्ना 5:19

आपाँ ओ भी जाणा हा के, या हारी दनियाँ सेतान का बंस में हे, पण आपाँ परमेसर का हाँ।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 16:16

वीं हुगळी-आत्मा वाँ हाराई राजा ने भेळा करन वीं जगाँ पे अई, जिंने इबरानी बोली में हरमगिदोन क्यो जावे हे।