परकासितवाक्य 8:13 - नुवो नेम (मेवड़ी नया नियम)

¹³ तो में आकास में एक बाज ने उड़तो तको देक्यो अन वो जोरकी अवाज में बोलरियो हा के, “आलतरे तो तीन हरग दुताँ को रणभेरी बजाणी बाकी हे, ईं वाते धरती पे रेबावाळा मनकाँ ने कतरो दुक वेई, कतरो दुक वेई।”

परकासितवाक्य 8:13 Iomraidhean Croise

इब्रानियों 1:14

तो पछे हरग-दुत कई हे? कई वीं हाराई हरग-दुत छुटकारो पाबावाळा मनकाँ की सेवा करबा का वाते खन्दई तकी आत्मा ने हे?

परकासितवाक्य 11:14

अस्यान दूजी विपती बीतगी, पण तीजी विपती वेगी आबावाळी हे।

परकासितवाक्य 12:12

ईं वाते, हो हरग में रेबावाळा, खुसी मनावो। पण धिकार हे धरती अन समन्द पे, थाँके हाते कतरो बुरो वेई, काँके थाँका पे सेतान उतरग्यो हे, वो गुस्साऊँ रातो-पिळो वेरियो हे। वो जाणे हे के, वींके नके थोड़ोक टेम बच्यो हे।”

परकासितवाक्य 14:3

वीं मनक गादी का हामें, च्यारई जीवता जीव का हामे अन पुरवजाँ का हामे नुवो गीत गारिया हा। अन ईं गीत ने वीं एक लाक चमालिस हजार मनक ज्याँने धरती का बन्धनऊँ छुड़ाया ग्या हा, वाँने छोड़न कुई भी ओ गीत ने हिक सकतो हो।

परकासितवाक्य 14:6

ईंका केड़े में एक ओरी हरग-दुत ने आकास का बचमें में ऊसे उड़तो तको देक्यो। वींके नके धरती पे रेबावाळा हाराई मनकाँ का वाते, हाराई देस, हारी बोली बोलबावाळा का वाते अन हाराई कुल का मनकाँ ने हुणाबा का वाते अनंत हव हमच्यार हो।

परकासितवाक्य 19:17

ईंका केड़े मूँ कई देकूँ हूँ के, एक हरग-दुत सुरज का ऊपरे ऊबो हे। वो आकास में उड़बावाळा हाराई जनावर ने जोरऊँ अवाज देन क्यो, आवो अन परमेसर की जीमणा का वाते भेळा वे जावो,

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।

परकासितवाक्य 8:2

में परमेसर का हामे हात हरग दुताँ ने देक्या। वाँने हात रणभेरियाँ दिदी गी ही।

परकासितवाक्य 9:1

पाँचवे हरग-दुत रणभेरी बजई, तो में आकासऊँ धरती पे एक तारो पड़तो तको देक्यो। वींने पाताळ खोलबा का वाते कुस्याँ दिदी गी ही।

परकासितवाक्य 9:12

पेलो मोटी विपती तो आगी ही, पण आलतरे दो मोटी विपत्याँ आणी बाकी ही।