परकासितवाक्य 6:11 - नुवो नेम (मेवड़ी नया नियम)

¹¹ वाँ हाराई ने धोळा चोळो पेरायो ग्यो हो अन वाँने क्यो ग्यो हो के, “थोड़ीक टेम ओरी वाट नाळो, जद्याँ तईं थाँकी हण्डाळ्याँ की गणती पुरी ने करी जावे, ज्याँने थाँकी जस्यान मारिया जाई।”

परकासितवाक्य 6:11 Iomraidhean Croise

मत्ती 10:21

“भई आपणाँ भई के, बई-बापू आपणाँ बाळकाँ के अन बाळक आपणाँ बई-बापू के विरोद में जाई अन वाँने धोकाऊँ पकड़वान मरबा नाकी।

लूका 15:22

पण, वींका बापू आपणाँ दासा ने क्यो, ‘फटाकऊँ हव गाबा लावो अन ईंने पेरावो अन ईंका हात में वीटी अन ईंका पंगा में बुट पेरावो।

यहुन्ना 16:2

वीं थाँने परातना घरऊँ बारणे काड़ देई, पण वा टेम आई जद्याँ कुई थाँने मार नाकी, अन अस्यान करन वी हमजी के, ‘आपाँ परमेसर की सेवा कररिया हे।’

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

2 थिस्सुलुनिक्यों 1:7

अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

2 तिमुतियूस 4:7

मूँ हव तरियाऊँ लड़्यो, में मारी दोड़ पुरी करी लिदी हे अन मूँ विस्वास जोगो रियो।

इब्रानियों 11:40

परमेसर का नके आपणी ओजणा का जस्यान आपणाँ का वाते ओरी हव बात ही, ताँके वाँ आपणे बना सिद ने वे सके।

इब्रानियों 12:23

अन पाठव्या की आणन्द की सबा में मतलब जणा विस्वास्याँ का नाम हरग में लिक मेल्या हे अन हाराई को न्याव करबावाळा परमेसर का नके अन सिद बण्या तका धरमिया की आत्मा का नके,

इब्रानियों 4:10

काँके ज्यो भी परमेसर का रईम्बा में आयो हे, वणी आपणाँ करमाऊँ रईम्बो पायो हे। जस्यान परमेसर आपणाँ कामाँ ने पूरा करन रईम्बो लिदो हो।

परकासितवाक्य 10:6

वणी हरग-दुत वीं परमेसर की जो हरग, धरती अन समन्द में अन वणाके मयने जो चिजाँ हे वणा हाराई ने बणई हे वाँकी होगन खान क्यो, अबे ओरी मोड़ो ने वेई।

परकासितवाक्य 13:15

वींने दूजाँ वीं पेला डरावणा जनावर की मूरती में जीव नाकबा को हक दिदो ग्यो हो, जणीऊँ वाँ मूरती बोलबा लागे। वीं मूरत के जतरा भी मनक धोग ने लागी, वाँने वो मरवा देई।

परकासितवाक्य 14:13

जद्याँ मूँ अस्यान बोलरियो हो के, तद्याँ हरगऊँ आ अवाज हुणई, “ईंने लिकी ले। ज्यो परबू की सेवा करता करता मरे हे वीं धन्न हे।” आत्मा केवे हे के, “वीं आपणाँ कामाँऊँ आराम पाई, अन वाँका काम वाँके हाते हे।”

परकासितवाक्य 17:6

में वीं लुगई ने पुवितर मनकाँ को लुई अन ईसू मसी की गवई देबावाळा मनकाँ की लुई पिवा की वजेऊँ मतवाळी वेती तकी देकी। अस्यान देकन मूँ अचम्बो में पड़ग्यो।

परकासितवाक्य 7:14

में वणीऊँ क्यो, “हे मालिक, थाँ तो जाणोई हो।” तो वणा माराऊँ क्यो, “ईं वीं मनक हे जी कळेस जेलन आया हे अन अणा आपणाँ गाबा ने उन्याँ का लुईऊँ धोन धोळा किदा हे।

परकासितवाक्य 7:9

ईंका केड़े में कई देक्यो के, मनकाँ का मोटी भीड़ हे जिंने कुई भी गण ने सके, वीं भीड़ में हारी जात्या का, हाराई कुल का, हारी बोली बोलबावाळा अन हाराई देसा का मनक हा, वीं वणी गादी अन उन्याँ का हामे ऊबा हा, वणा धोळा गाबा पेर मल्या हा अन हाताँ में खजुर की डाळ्याँ ले राकी ही।