परकासितवाक्य 5:8 - नुवो नेम (मेवड़ी नया नियम)

⁸ अन जद्याँ वणी किताब ले लिदी, तो वणा च्यारई जीवता जीव अन वीं चोवीस पुरवज वींके धोक लाग्या। वणा हाराई का नके विणा ही अन वीं वाना आबावाळी चिजाँऊँ भरिया तका होना का प्याला लेन राक मेल्या हा। यो धरमिया की परातना दिकावे हे।

परकासितवाक्य 5:8 Iomraidhean Croise

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

इब्रानियों 1:6

अन पछे जदी परमेसर आपणी एकलोती ओलाद ने दनियाँ में खन्दावे तो वीं केवे हे के, “परमेसर का हाराई हरग-दुत वींकी भगती करे।”

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 15:2

ईंका केड़े मने काँस का जस्यान को समन्द नजर आयो वो अस्यान दिक्यो हो जस्यान के, वींके मयने वादी वेवे। जी मनक वीं डरावणा जनावर की मूरती अन वींका नाम का नम्बरऊँ जितग्या हा, वाँने वीं काँस का समन्द पे ऊबा तका देक्यो। वणा का नके परमेसर का आड़ीऊँ दिदी तकी रणभेरी ही।

परकासितवाक्य 15:7

तद्याँ वीं च्यारई जीवता जीव मेंऊँ एक जणे वणा हातई हरग दुताँ ने अमर परमेसर का गुस्साऊँ भरिया तका होना का प्याला दिदा।

परकासितवाक्य 19:4

वीं चोवीस पुरवज अन च्यारई जीवता जीव गादी पे बेट्या तका परमेसर के धोक लागन गीत गाबा लागा। “हलेलुय्या! वींकी जेजेकार हो। आमीन।”

परकासितवाक्य 4:10

तो वीं चोवीस पुरवज ज्यो गादी पे बेट्यो तको अमर हे, वींका पगा में धोक खान भगती कररिया हा, वीं आपणाँ मुकट उतारन बोलता हा के,

परकासितवाक्य 4:4

वीं गादी का च्यारूँमेर चोवीस गाद्‍याँ ओरी ही, वाँके ऊपरे चोवीस पुरवज बेट्या तका हा। वणा धोळा गाबा पेरन मेल्या हा अन वाँके माता पे होना का मुकट हा।

परकासितवाक्य 4:6

अन वीं गादी का हामें बिल्‍लोर का काँस का जस्यान दिकबावाळो समन्द हो। वीं समन्द का बचमें में अन गाद्‍याँ का च्यारूँमेर च्यार जीवता जीव हा, वाँके आगे-पाछे आक्याँ ईं आक्याँ ही।

परकासितवाक्य 4:8

वणा च्यारई जीवता जीव के छे छे फाकड़ा हा, वाँके च्यारूँमेर आक्याँ ईं आक्याँ हे अन वीं रात-दन एकीस बात बोलता रेता हा, “सर्वसक्‍तिमान परबू परमेसर पुवितर, पुवितर पुवितर हे, ज्यो अबाणू हे, ज्यो हमेस्यान हो, ज्यो आबावाळो हे।”

परकासितवाक्य 5:11

पछे में हरग दुताँ की अवाज हूणी, वीं गादी, वीं च्यारई जीवता जीव, पुरवज का च्यारूँमेर ऊबा हा अन वाँकी गणती लाको करोड़ो में ही।

परकासितवाक्य 5:12

वीं जोरऊँ हेलो पाड़रिया हा, “जो उन्यो बली चड़ायो ग्यो हो, वोईस तागत, धन, अकल, सगती, मान, मेमा अन धन्नेवाद के जोगो हो।”

परकासितवाक्य 5:14

पछे वीं च्यारई जीवता जीव बोल्या आमीन, अन वीं पुरवज रेटे नमन वींके धोक लाग्या।

परकासितवाक्य 5:6

मूँ देकूँ हूँ के, वाँ गादी, च्यारई जीवता जीव का हामे अन वणा पुरवज का बचमें एक उन्यो ऊबो तको हे। वो अस्यान लागरियो जस्यान के, वींकी बली चड़ई गी वे। वींके हात हिंगड़ा अन हात आक्याँ ही, ईं परमेसर की हात आत्मा ही, ज्याँने आकी धरती पे खन्दई गी ही।

परकासितवाक्य 6:1

में देक्यो के, वणी उन्ये वणा हात मोराँ मेंऊँ एक मोर खोली। तो वाँ च्यार जीवता जीव मेंऊँ एक ने में वादळा की गाजबा की अवाज का जस्यान ओ केतो तको हुण्यो, “आ।”