परकासितवाक्य 5:5 - नुवो नेम (मेवड़ी नया नियम)

⁵ तो वणा पुरवज मेंऊँ एक माराऊँ क्यो, “रोवे मती। देक, यहूदा का गोत मेंऊँ वो नार, ज्यो दाऊद को मुल हे, वो वीं किताब ने अन वींकी मोराँ खोलबा वाते जीत हासील किदी हे।”

परकासितवाक्य 5:5 Iomraidhean Croise

लूका 23:28

ईसू वाँका आड़ी देकन क्यो, “ओ यरूसलेम की बेट्या, मारा वाते मती रोवो पण, आपणाँ अन आपणाँ बाळकाँ का वाते रोवो।

लूका 7:13

जद्याँ परबू वींने देकी तो वाँने दया आगी अन वणा क्यो, “रो मती।”

लूका 8:52

अन हाराई वींका वाते रो-रोन छाती-माता कुटरिया हा, पण ईसू वाँकाऊँ क्यो, “रोवो मती, वाँ मरी ने हे बेस हूँती हे।”

यहुन्ना 20:13

वाँकाणी वींने क्यो, “ए लुगई, थूँ काँ रोवे हे?” वणी क्यो, “वीं मारा परबू ने ले पराग्या हे अन मूँ ने जाणूँ हूँ के, वींने कटे मेल्यो हे?”

रोमियों 15:12

ओरी पाछो, यसायो भी केवे हे, “यिसे का वंस मेंऊँ एक परगट वेई ज्यो वणा मनकाँ पे राज करी जीं यहूदी ने हे। अन वीं मनक वींपे आस लगाया राकी।”

इब्रानियों 7:14

काँके यो तो पाको हे के, आपणाँ परबू यहूदा गोत का हा। अन मूसे ईं गोत मेंऊँ कुई याजक वेई अणी बारा में कई ने क्यो हो।

परकासितवाक्य 1:1

आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।

परकासितवाक्य 22:16

“मूँ, ईसू थाँका वाते, मण्डळ्याँ का वाते, अणा बाताँ की गवई देबा का वाते मारो हरग-दुत खन्दाऊँ हूँ। मूँ दाऊद के परवार को वंसज हूँ। मूँ हवेर को चमकतो तको तारो हूँ।”

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।

परकासितवाक्य 4:10

तो वीं चोवीस पुरवज ज्यो गादी पे बेट्यो तको अमर हे, वींका पगा में धोक खान भगती कररिया हा, वीं आपणाँ मुकट उतारन बोलता हा के,

परकासितवाक्य 4:4

वीं गादी का च्यारूँमेर चोवीस गाद्‍याँ ओरी ही, वाँके ऊपरे चोवीस पुरवज बेट्या तका हा। वणा धोळा गाबा पेरन मेल्या हा अन वाँके माता पे होना का मुकट हा।

परकासितवाक्य 5:4

ईं वाते मूँ जोर-जोरऊँ रोबा लागो, काँके वींने कुई भी खोलबा अन देकबा जोगो भी ने मल्यो हो।

परकासितवाक्य 6:1

में देक्यो के, वणी उन्ये वणा हात मोराँ मेंऊँ एक मोर खोली। तो वाँ च्यार जीवता जीव मेंऊँ एक ने में वादळा की गाजबा की अवाज का जस्यान ओ केतो तको हुण्यो, “आ।”

परकासितवाक्य 7:13

तो वणा पुरवजाँ मेंऊँ एक जणे माराऊँ पूँछ्यो, “जणी धोळा गाबा पेर मल्या हा, वीं मनक कूण हे? वीं कटाऊँ आया हे?”