परकासितवाक्य 5:13 - नुवो नेम (मेवड़ी नया नियम)

¹³ वींके केड़े में हरग की, धरती की, पाताळ की, अन समन्द की हारी रचना अन बरमाण्ड का हाराई मनक की अवाज हूणी, वीं अस्यान बोलरिया हा के, “ज्यो गादी पे बेट्यो हे वींकी अन उन्याँ की मेमा, मान, अन धन्नेवाद अन वींको राज जुग-जुग रेवे।”

परकासितवाक्य 5:13 Iomraidhean Croise

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

रोमियों 11:36

काँके हाराई ने रचबावाळो वोईस हे। वणीऊँस हाराई हे अन वीं वींका वातेईस हे। वींकी मेमा हमेस्यान वेती रेवे! आमीन।

रोमियों 16:27

ईसू मसी का जरिये बेस एकलोता ग्यान का समन्द परमेसर की मेमा जुग-जुग तईं वे। आमीन!

रोमियों 9:5

बड़ाबा भी वाँकाऊँ सम्बधं राके हे अन मनक का रूप में मसी वाँका मेंईस जनम्याँ हा, ज्यो हाराई को परमेसर हे अन हमेस्यान धन्न हे। आमीन।

इपिसियों 3:21

मण्डली में अन ईसू मसीऊँ परमेसर की मेमा जुग-जुग तईं वेती रेवे। आमीन।

फिलिपियों 2:10

ताँके हरग में अन धरती पे अन धरती का रेटे रेवे हे, वीं हारई ईसू का नाम ने मान देबा का वाते गोडा टेके हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

1 तिमुतियूस 4:16

खुद पे अन थाँरा उपदेसा पे ध्यान दे, अन अणामें अपणेआप पाको वे, काँके अस्यान करबाऊँ थूँ खुद ने अन थने हूणबावाळा ने बंचाबा को मस वेई।

1 पतरस 4:11

जद्याँ कुई उपदेस हुणावे तो वींने अस्यान हूणाणो छावे जस्यान के, वो परमेसरऊँ मल्या तका बचन ने हुणारियो वेवे। यद्याँ कुई सेवा करे, तो वो वीं तागतऊँ ज्या परमेसर वींने दिदी हे वींके जस्यान सेवा करे, जणीऊँ हारी बाताँ में ईसू मसी की वजेऊँ परमेसर की मेमा वेवे। मेमा अन तागत हमेस्या वींकीइस हे। आमीन।

1 पतरस 5:11

परमेसर को राज जुग-जुग रेवे। आमीन।

यहूदा 1:25

वोईस एकीस परमेसर ज्यो परबू ईसू मसी की वजेऊँ छुटकारो देबावाळो हे, वींकी मेमा, पराकरम, वेभव अन अदिकार दनियाँ की रचनाऊँ पेल्याऊँ अन अबाणूऊँ लेन जुग-जुग वाते वेती रेवे। अस्यानीस वेवे।

परकासितवाक्य 1:6

वणी आपाँने राज करबावाळा अन बापू परमेसर की सेवा करबा वाते याजक बणाया हे। वाँकी मेमा अन तागत जुग-जुग वेती रेवे। आमीन।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 5:1

पछे में कई देको के, ज्यो गादी पे बेट्या हो, वींके जीमणा हात में एक किताब ही अन वाँ दुई आड़ीऊँ लिकी तकी ही। वींने हात मोराँ लगान बन्द कर मेली ही।

परकासितवाक्य 5:12

वीं जोरऊँ हेलो पाड़रिया हा, “जो उन्यो बली चड़ायो ग्यो हो, वोईस तागत, धन, अकल, सगती, मान, मेमा अन धन्नेवाद के जोगो हो।”

परकासितवाक्य 5:3

पण ने तो हरग में, ने धरती पे अन ने धरती का रेटे वींने खोलबा अन देकबा जोगो कुई मल्यो।

परकासितवाक्य 5:6

मूँ देकूँ हूँ के, वाँ गादी, च्यारई जीवता जीव का हामे अन वणा पुरवज का बचमें एक उन्यो ऊबो तको हे। वो अस्यान लागरियो जस्यान के, वींकी बली चड़ई गी वे। वींके हात हिंगड़ा अन हात आक्याँ ही, ईं परमेसर की हात आत्मा ही, ज्याँने आकी धरती पे खन्दई गी ही।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।

परकासितवाक्य 6:16

वीं मंगरा अन छाँटाऊँ केरिया हा के, “माकाँ पे पड़ जावो। ज्यो गादी पे बेट्यो तको हे वणीऊँ अन उन्याँ का गुस्साऊँ माँने हपई दो,