परकासितवाक्य 4:10 - नुवो नेम (मेवड़ी नया नियम)

¹⁰ तो वीं चोवीस पुरवज ज्यो गादी पे बेट्यो तको अमर हे, वींका पगा में धोक खान भगती कररिया हा, वीं आपणाँ मुकट उतारन बोलता हा के,

परकासितवाक्य 4:10 Iomraidhean Croise

मत्ती 2:11

वीं वणी घरे ग्या, जटे बाळक ने वींकी बई मरियम की लारे देक्यो अन गोडा टेकन वींको नमस्कार किदो। आपणी–आपणी जोळ्या खोलन वींने होना, लोबान अन अंतर भेंट किदा।

लूका 24:52

अन वणा हाराई वींके गोडा टेकन धोक देन राजी वेता तका यरूसलेम में पराग्या।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

परकासितवाक्य 10:6

वणी हरग-दुत वीं परमेसर की जो हरग, धरती अन समन्द में अन वणाके मयने जो चिजाँ हे वणा हाराई ने बणई हे वाँकी होगन खान क्यो, अबे ओरी मोड़ो ने वेई।

परकासितवाक्य 11:16

पछे वीं चोबीस पुरवज ज्यो आपणाँ गादी पे बेट्या तका हा, ऊबा वेन परमेसर के गोडा टेकन धोक लाग्या।

परकासितवाक्य 15:4

परबू थाँकाऊँ हाराई मनक दरपता रेई। हाराई मनक थाँको नाम लेन जे-जेकार करी, काँके खाली थाँईस पुवितर हो। हारी जात्या का मनक थाँका नके भेळा व्या हे वीं थाँकी भगती करी। काँके थाँका किदा तका काम हामे हे, अन हो परबू थाँ ज्या भी करो हो, वो न्याव हे।”

परकासितवाक्य 15:7

तद्याँ वीं च्यारई जीवता जीव मेंऊँ एक जणे वणा हातई हरग दुताँ ने अमर परमेसर का गुस्साऊँ भरिया तका होना का प्याला दिदा।

परकासितवाक्य 19:4

वीं चोवीस पुरवज अन च्यारई जीवता जीव गादी पे बेट्या तका परमेसर के धोक लागन गीत गाबा लागा। “हलेलुय्या! वींकी जेजेकार हो। आमीन।”

परकासितवाक्य 4:2

अतराक में पुवितर आत्मा मारा पे कबजो कर लिदो। अन में देक्यो हरग में एक गाद्दी ही अन वींका ऊपरे कुई बेट्यो तको हो।

परकासितवाक्य 4:4

वीं गादी का च्यारूँमेर चोवीस गाद्‍याँ ओरी ही, वाँके ऊपरे चोवीस पुरवज बेट्या तका हा। वणा धोळा गाबा पेरन मेल्या हा अन वाँके माता पे होना का मुकट हा।

परकासितवाक्य 4:9

जद्याँ जीवता जीव गाद्‍याँ पे बेट्या तका, जीं अमर हे वींकी मेमा अन धन्नेवाद करता हा,

परकासितवाक्य 5:14

पछे वीं च्यारई जीवता जीव बोल्या आमीन, अन वीं पुरवज रेटे नमन वींके धोक लाग्या।

परकासितवाक्य 5:8

अन जद्याँ वणी किताब ले लिदी, तो वणा च्यारई जीवता जीव अन वीं चोवीस पुरवज वींके धोक लाग्या। वणा हाराई का नके विणा ही अन वीं वाना आबावाळी चिजाँऊँ भरिया तका होना का प्याला लेन राक मेल्या हा। यो धरमिया की परातना दिकावे हे।

परकासितवाक्य 7:11

वीं हाराई हरग-दुत वीं गादी के, पुरवजाँ के अन च्यारई जीवता जीव का च्यारूँमेर ऊबा हा। वणा गादी पे बेट्या तका परमेसर के धोक दिदो।