परकासितवाक्य 4:1 - नुवो नेम (मेवड़ी नया नियम)

¹ ईंका केड़े में देक्यो के हरग को बारणो खुल्यो हे अन वाँ अवाज जो मने पेल्याँ हुणई दिदी ही, रणभेरी की अवाज में बोलरी ही के, “ऊपरे अई जा, मूँ थने वीं बाताँ बताऊँ जीं आबावाळा टेम में पकी वेबावाळी हे।”

परकासितवाक्य 4:1 Iomraidhean Croise

मत्ती 3:16

अन तद्याँ ईसू बतिस्मो लिदो अन जस्यानी वो पाणीऊँ बारणे आयो तो आकास खुलग्यो अन वणी परमेसर की आत्माने एक परेवड़ा का जस्यान रेटे उतरती अन आपणाँ माता पे आती देकी।

मरकुस 1:10

जस्यानी पाणीऊँ बारणे निकळ्या तो, वणा देक्यो के, आकास खुल्यो तको अन परमेसर की आत्मा परेवड़ा की जस्यान वींका ऊपरे उतरी।

लूका 3:21

अणीऊँ पेल्याँ जद्याँ हाराई मनक यहुन्नाऊँ बतिस्मा लेरिया हा। तद्याँ ईसू भी बतिस्मो लिदो। जद्याँ ईसू परातना कररिया हा, तद्याँ आकास खुलग्यो।

यहुन्ना 16:13

पण जद्याँ हाँच की आत्मा आई, तो थाँने हारई हाँच को गेलो बता देई, काँके वाँ खुद का आड़ीऊँ ने केई पण ज्यो कई हूणी वो केई अन आबावाळी बाताँ थाँने बताई।

थरप्या तका का काम 10:11

अन वे देक्यो के, आकास खुलग्यो अन एक मोटा चादरा जस्यान कई चीज हे जिंका च्याराई खुणा पकड़न रेटे उतररी हे।

थरप्या तका का काम 7:56

तो वणा क्यो, “देको, मूँ देकरियाऊँ के, हरग खुल्यो तको हे अन मनक को पूत परमेसर के जीमणा पाल्डे ऊबो हे।”

परकासितवाक्य 1:10

मूँ परबू का दन पुवितर आत्मा का काबू में आग्यो अन में दरसावो देक्यो, मने मारा पाच्छे रणभेरी की अवाज हुणई दिदी।

परकासितवाक्य 1:12

तो मूँ ओ देकबा का वाते के, या अवाज किंकी हे, मूँ पाच्छे फरियो। जद्याँ मूँ पाच्छे फरियो तो मने हात होना का दिवा दिक्या,

परकासितवाक्य 1:19

ईं वाते जो बाताँ थें देकी हे, जो वीती री हे अन जो बाताँ वेबावाळी हे, वाँ हाराई ने लिकतो जा।”

परकासितवाक्य 11:12

वणा दुया ने हरगऊँ अवाज हुणई दिदी के, “ऊपरे अई जावो।” अस्यान हुणन वीं दुई आपणाँ दसमणा ने देकता देकता हरग में पराग्या।

परकासितवाक्य 11:19

ईंका केड़े परमेसर का मन्दर ने जो हरग में हे वींने खोल्यो ग्यो, अन वीं मन्दर में मने वादा वाळी पेटी दिकई दिदी। वींके केड़े विजळी चकमवा लागी अन कड़कवा की अवाज हुणई देबा लागी अन वादळा गाजबा लाग्यो, अन भूकम आबा लागो अन गड़ा पड़बा लागा।

परकासितवाक्य 16:17

ईंका केड़े हातवे हरग-दुत आपणो प्यालो बईरा में उँन्धई दिदो अन मन्दर की गादीऊँ जोरकी अवाज हुणई दिदी, “हारोई खतम वेग्यो।”

परकासितवाक्य 19:11

तद्याँ में हरग ने खुल्यो देक्यो अन वटे कई देकूँ हूँ के, एक धोळो घोड़ा हे। अन वींके ऊपरे ज्या सवार हे वो विस्वास जोगो अन हाँचो हे, काँके वो हाँच का हाते न्याव को फेसलो अन लड़ई करतो हो।

परकासितवाक्य 22:6

पछे वीं हरग-दुत माराऊँ क्यो, “ईं वसन विस्वास करबा जोगा अन हाँचा हे। परबू परमेसर जी, आपणाँ आड़ीऊँ बोलबावाळा ने पुवितर आत्मा देवे हे, आपणाँ भगताँ ने, जीं अबाणू वेबावाळो हे, वींका बारा में केबा का वाते आपणो हरग-दुत खन्दावे हे।”