परकासितवाक्य 3:8 - नुवो नेम (मेवड़ी नया नियम)

⁸ मूँ थाँका काम ने जाणूँ हूँ। देको, में थाँका हामे एक बारणो खोल्यो हे, जिंने कुई भी जड़ ने सके। मूँ जाणूँ हूँ के, थाँरा नके थोड़ीक तागत हे, तो भी थें मारी आग्या मानी हे, अन मारो नाम लेणो भी ने छोड़्यो।

परकासितवाक्य 3:8 Iomraidhean Croise

लूका 12:9

पण, ज्यो मनकाँ का हामे मने ने माने हे, वाँने भी परमेसर का हरग-दुताँ का हामे ने मान्यो जाई।

यहुन्ना 15:20

ज्यो बाताँ में थाँकाऊँ किदी ही के, दास आपणाँ मालिकऊँ मोटो ने वेवे हे। वाँने आद राकज्यो। यद्याँ वणा मने हतायो हे, तो थाँने भी हताई। यद्याँ वणा मारी बाताँ मानी, तो थाँकी भी मानी।

यहुन्ना 17:6

“में थाँका मेमावान नाम ने वणा मनकाँ ने परगट किदा हे, ज्याँने थाँ दनियाऊँ मने दिदा। वीं हाराई थाँका हा अन थाँ वणा हाराई ने मने दिदा अन वाँकाणी थाँका बचना ने मान लिदा हे।

थरप्या तका का काम 14:27

जदी वणा वटे जान वटा की विस्वास्याँ की मण्डली का मनकाँ ने भेळा किदा, अन जो काम परमेसर वाँका हाते किदो हो वींने बतायो, अन केबा लागा के जो यहूदी ने हे, वाँका वाते भी विस्वास करबा ने परमेसर गेलो खोल नाक्या हे।

1 कुरिन्थियों 16:9

वटे परबू को काम करबा वाते ओ हव मोको हे अन वटे मारा दसमण भी नरई हे।

2 कुरिन्थियों 2:12

जद्याँ मूँ मसी का हव हमच्यार को परच्यार करबा का वाते त्रोआस आयो हो, तो मारा वाते परबू गेलो खोल दिदो हो।

फिलिपियों 4:13

मसीऊँ मली तकी तागतऊँ मूँ हारी टेम को सामनो कर सकूँ हूँ।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

1 तिमुतियूस 5:8

पण यद्याँ कुई आपणाँ हगा-होई की, अन खास तरियाऊँ आपणाँ परवारवाळा की देक-रेक ने करे, तो वो आपणाँ विस्वासऊँ फरग्यो हे अन वो एक बना विस्वासवाळाऊँ हेलो बुरो वेग्यो हे।

2 तिमुतियूस 4:7

मूँ हव तरियाऊँ लड़्यो, में मारी दोड़ पुरी करी लिदी हे अन मूँ विस्वास जोगो रियो।

यहूदा 1:4

पण थाँकी मण्डली में छानेऊँ अस्यान का मनक आग्या हे, ज्याँका बारा में सास्तर में पेल्याँई लिक्यो हे के, वाँने दण्ड मली, काँके वीं परमेसर ने कोयने जाणे हे। अणा मनकाँ परमेसर की दया ने खुद का वाते कुकरम करबा की छुट मान लिदी हे अन आपणाँ परबू जीं आपणाँ मालिक ईसू मसी हे वाँने मानबा का वाते नट जावे हे।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 2:2

मूँ थाँरा काम ने, थाँरी मेनत ने अन थारी सबर ने जाणूँ हूँ अन मूँ ओ भी जाणूँ हूँ के, थाँ बुरा मनकाँ ने देकणा ने छावो अन थूँ वणा मनकाँ ने जणा खुद ने खासतोर थरप्या तका चेला बोले हे पण वीं हाँची में कोयने, थें वींने परक्या अन वीं जूटा निकळ्या।

परकासितवाक्य 22:7

ईसू क्यो, “हुणो, मूँ पगई आरियो हूँ। धन्न हे वाँने जो ईं किताब में दिदा ग्या वसना को पालण करे हे। जीं परमेसर का आड़ीऊँ किदी तकी बाताँ हे।”

परकासितवाक्य 3:1

“सरदीस की मण्डली का दुताँ ने ओ लिक। जिंका नके परमेसर की हात आत्मा अन हात तारा हे वो अस्यान केवे हे, मूँ थाँका करम जाणूँ हूँ। थाँ जीवता तो केवावो हो, पण हाँची में मरिया तका हो।

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।

परकासितवाक्य 3:15

मूँ थाँरा काम ने जाणूँ हूँ अन ओ भी जाणूँ हूँ के, थूँ ने तो हिळो हे अन ने ऊनो हे। भलो वेतो के, थूँ अणा मेंऊँ एक तो वेतो।

परकासितवाक्य 3:7

“फिलोदेलफीया की मण्डली का दुताँ ने ओ लिक। वीं ज्यो पुवितर अन हाँचा हे अन जिंका नके दाऊद राजा का नगर की कुस्याँ हे अन वो जणी बारणा ने खोले हे वींने कुई भी जड़ ने सके अन जिंने वो जड़ हे वींने कुई खोल ने सके। ओ अस्यान केवे हे के,