परकासितवाक्य 3:7 - नुवो नेम (मेवड़ी नया नियम)

⁷ “फिलोदेलफीया की मण्डली का दुताँ ने ओ लिक। वीं ज्यो पुवितर अन हाँचा हे अन जिंका नके दाऊद राजा का नगर की कुस्याँ हे अन वो जणी बारणा ने खोले हे वींने कुई भी जड़ ने सके अन जिंने वो जड़ हे वींने कुई खोल ने सके। ओ अस्यान केवे हे के,

परकासितवाक्य 3:7 Iomraidhean Croise

मत्ती 16:19

मूँ थने हरग का राज की कुस्याँ देऊँ अन ज्यो कुई थूँ धरती पे बांदी, वो हरग में बदी अन ज्यो कुई धरती पे खोली, वो हरग में खली।”

मत्ती 24:35

धरती अन आकास टळ जाई, पण मारो बचन कदी ने टळी।

मरकुस 1:24

“हे, नासरत का ईसू, थूँ मारा नकूँ कई छावे हे? कई, थूँ मारो नास करबा ने आयो हे? मूँ थाँने जाणूँ हूँ के, थूँ कूण हे, थूँ परमेसर को पुवितर मनक हे।”

लूका 1:32

वो मोटो मान्यो जाई अन परम परदान परमेसर को पूत केवाई अन परबू परमेसर वींका बड़ाबा दाऊद की गाद्दी वींने हूँपी।

लूका 4:34

“हो नासरत का ईसू, थूँ माँकाऊँ कई छावे हे? कई थूँ माँको नास करबा ने आया हे? मूँ जाणूँ हूँ थूँ कूण हे, थूँ परबू परमेसर को पुवितर मनक हे।”

यहुन्ना 14:6

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

थरप्या तका का काम 3:14

थाँ लोगाँ वीं धरमी अन नेकवान मनक ने नकार दिदो अन थाँका वाते एक हत्यारा की माँग किदी।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

परकासितवाक्य 1:11

अवाज में अस्यान हमच्यार आरियो हो के, “जो कई भी थूँ देकरियो हे, वींने एक किताब का मयने लिकतो जा अन वींके केड़े वींने इपिसुस, स्मुरना, पिरगमुन, थुआतीरा, सरदीस, फिलोदेलफीया अन लिदिकिया की हातई मण्डळ्याँ ने खन्दा दिज्ये।”

परकासितवाक्य 1:18

मूँ वोईस हूँ, जिंका नके जीवन हे। पेल्याँ मूँ मरग्यो हो, पण अबे देक, मूँ जुग-जुग वाते जीवतो हूँ। मोत अन पाताळ की चाब्याँ मारा नके हे।

परकासितवाक्य 15:3

वीं मनक परमेसर का दास मूसा अन उन्याँ का गीत गारिया हा, “वीं घणा मोटा काम हे ज्याँने थाँ करता रेवो हो। थाँका काम अचम्बा का हे अन थाँकी तागत जुग-जुग तईं हे। परबू परमेसर, थाँको गेलो हाँचो अन धरम का कामाँऊँ भरियो हे, थाँ हारी जात्या का राजा हो।

परकासितवाक्य 16:7

वींके केड़े में वेदीऊँ अवाज हूणी, “हो, सर्वसक्‍तिमान परबू परमेसर, थाँ हाँचो अन खरो न्याव किदो हे।”

परकासितवाक्य 19:11

तद्याँ में हरग ने खुल्यो देक्यो अन वटे कई देकूँ हूँ के, एक धोळो घोड़ा हे। अन वींके ऊपरे ज्या सवार हे वो विस्वास जोगो अन हाँचो हे, काँके वो हाँच का हाते न्याव को फेसलो अन लड़ई करतो हो।

परकासितवाक्य 19:2

वाँका हाराई फेसला हाँचा अन न्याव करबावाळा हे, काँके वणी वीं वेस्याँ को ज्या धरती का मनकाँ ने कुकरम करवाती अन वाँने वगाड़ती ही वींको न्याव करियो ग्यो हे, अन हातेई हाते आपणाँ दासा का लुई को बदलो लिदो ग्यो हे।”

परकासितवाक्य 2:1

“इपिसुस की मण्डली का दुताँ ने ओ संदेस लिक। जणी हातई तारा आपणाँ जीमणा हात में ले राक्या हे अन होना का हातई दिवा का बचमें में फरे हे वो अस्यान केवे हे के,

परकासितवाक्य 21:5

ज्यो गादी पे बेट्या तको हे वणी क्यो, “देको, मूँ हारोई नुवो कररियो हूँ।” पछे पाछो वणी क्यो, “लिकी ले, काँके यो बचन विस्वास करबा के जोगो अन हाँचो हे।”

परकासितवाक्य 3:14

“लोदकिया की मण्डली का दुताँ ने ओ लिक। ज्यो आमीन हे, विस्वास जोगो, हाँचो गवा हे अन हारी रचना को मुल हे, वो अस्यान केवे हे के,

परकासितवाक्य 4:8

वणा च्यारई जीवता जीव के छे छे फाकड़ा हा, वाँके च्यारूँमेर आक्याँ ईं आक्याँ हे अन वीं रात-दन एकीस बात बोलता रेता हा, “सर्वसक्‍तिमान परबू परमेसर पुवितर, पुवितर पुवितर हे, ज्यो अबाणू हे, ज्यो हमेस्यान हो, ज्यो आबावाळो हे।”

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।

परकासितवाक्य 6:10

वीं जोर-जोरऊँ हेलो पाड़रिया हा, “हो पुवितर अन हाँचा परबू, थाँ कदी न्याव करो? ईं धरती का मनकाँ को न्याव अन जणा माँने मारिया हा, वाँने कदी दण्ड देवो?”