परकासितवाक्य 3:15 - नुवो नेम (मेवड़ी नया नियम)

¹⁵ मूँ थाँरा काम ने जाणूँ हूँ अन ओ भी जाणूँ हूँ के, थूँ ने तो हिळो हे अन ने ऊनो हे। भलो वेतो के, थूँ अणा मेंऊँ एक तो वेतो।

परकासितवाक्य 3:15 Iomraidhean Croise

मत्ती 10:37

“ज्यो माराऊँ आपणाँ बई-बापूऊँ हेलो लाड़ करे हे, वो मारो चेलो बणाबा जोगो ने हे। ज्यो खुद का छोरा-छोरियाऊँ हेलो लाड़ राके हे वो भी मारो चेलो बणबा के जोगो ने हे।

मत्ती 24:12

काँके अधरम बड़ जई, जणीऊँ नरई को परेम कम पड़ जई।

मत्ती 6:24

“कुई भी मनक एक लारे दो मालिकाँ की सेवा ने कर सके हे, काँके वो एकऊँ दसमणी अन दूजाऊँ लाड़ राकी कन एकऊँ मल्यो रेई अन दूजाँ ने बेकार जाणी। थाँ परमेसर अन धन-दोलत दुयाँ की सेवा एक हाते ने कर सको हो।

रोमियों 12:11

मेनत करबावाळा बणो आळसी ने, आपणी आत्मा में जोस भरो अन परबू की सेवा करता रेवो।

1 कुरिन्थियों 16:22

अन ज्यो कुई परबूऊँ परेम ने करी वींने हराप लागी। आपणाँ परबू वेगा आई!

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

फिलिपियों 1:9

अन मूँ आ अरज करूँ हूँ के, थाँ परेम, हाँचा ग्यान अन हाराई तरियाँ की हमज का हाते ओरुँ भी वदता जावो,

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

याकूब 1:8

वो मनक दो मन वाळो हे अन आपणाँ हाराई काम में अस्थिर हे।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

परकासितवाक्य 2:2

मूँ थाँरा काम ने, थाँरी मेनत ने अन थारी सबर ने जाणूँ हूँ अन मूँ ओ भी जाणूँ हूँ के, थाँ बुरा मनकाँ ने देकणा ने छावो अन थूँ वणा मनकाँ ने जणा खुद ने खासतोर थरप्या तका चेला बोले हे पण वीं हाँची में कोयने, थें वींने परक्या अन वीं जूटा निकळ्या।

परकासितवाक्य 2:4

पण मने थाँरा विरोद में एक बात केणी हे जस्यान थूँ पेल्याँ माराऊँ परेम करिया करतो हो, वस्यान करणो छोड़ दिदो हे।

परकासितवाक्य 3:1

“सरदीस की मण्डली का दुताँ ने ओ लिक। जिंका नके परमेसर की हात आत्मा अन हात तारा हे वो अस्यान केवे हे, मूँ थाँका करम जाणूँ हूँ। थाँ जीवता तो केवावो हो, पण हाँची में मरिया तका हो।

परकासितवाक्य 3:16

पण थूँ नवायो हे, ने तो हिळो हे अन ने ऊनो हे, ईं वाते मूँ थने मारा मुण्डाऊँ उगळबावाळो हूँ।