परकासितवाक्य 22:7 - नुवो नेम (मेवड़ी नया नियम)

⁷ ईसू क्यो, “हुणो, मूँ पगई आरियो हूँ। धन्न हे वाँने जो ईं किताब में दिदा ग्या वसना को पालण करे हे। जीं परमेसर का आड़ीऊँ किदी तकी बाताँ हे।”

परकासितवाक्य 22:7 Iomraidhean Croise

परकासितवाक्य 1:11

अवाज में अस्यान हमच्यार आरियो हो के, “जो कई भी थूँ देकरियो हे, वींने एक किताब का मयने लिकतो जा अन वींके केड़े वींने इपिसुस, स्मुरना, पिरगमुन, थुआतीरा, सरदीस, फिलोदेलफीया अन लिदिकिया की हातई मण्डळ्याँ ने खन्दा दिज्ये।”

परकासितवाक्य 1:3

वीं मनक धन्न हे जीं परमेसर का ईं दरसावा की किताब का संदेसा ने भणे अन हुणे अन ईंका मयने जो बाताँ लिकी तकी हे, वाँके जस्यान चाले हे। काँके वाँ टेम नके हे, जद्याँ ईं बाताँ पुरी वेई।

परकासितवाक्य 16:15

“हूँस्यार रेज्यो! काँके मूँ चोर की जस्यान अणाचेत को आऊँ हूँ। धन्न हे वीं ज्यो जागता रेवे हे, अन आपणाँ गाबा हमाळी राके हे, जणीऊँ वीं उगाड़ा ने रेई अन मनक वाँने नांगा ने देकी।”

परकासितवाक्य 2:16

ईं वाते आपणो मन बदलो, ने तो मूँ आन वाँके हाते वीं तरवारऊँ लड़ूँ, ज्या मारा मुण्डाऊँ निकळे हे।

परकासितवाक्य 22:12

ईसू क्यो, “हुणो, मूँ पगईं आबावाळो हूँ अन आपणाँ हाते थाँका वाते फळ लेन आरियो हूँ, जणी जस्या करम किदा हे वींने वींके करमा का जस्यान फळ देऊँ।

परकासितवाक्य 22:18

मूँ यहुन्नो हरेक ने, ज्यो ईं किताब की आगेवाणी की बाताँ लिकी हे वाँके बारे में गवई दूँ के, यद्याँ कुई मनक अणा बाताँ में कई बड़ावे, तो परमेसर वणा विपत्याँ ने ज्यो अणी किताब में लिकी तकी हे, वींपे बड़ाई।

परकासितवाक्य 22:19

अन यद्याँ परमेसर का आड़ीऊँ बोलबावाळा की अणी किताब में लिक्या तका वसना मेंऊँ कई घटाई तो परमेसर ईं किताब में लिक्या तका जीवन का रूँकड़ा अन पुवितर नगर मेंऊँ वींको हिस्सो वणीऊँ कोसी लेई।

परकासितवाक्य 22:20

ईसू जी अणा बाताँ का गवा हे, वीं केवे हे, “हाँ! मूँ पगई आबावाळो हूँ।” आमीन। हे परबू ईसू आ।

परकासितवाक्य 22:21

परबू ईसू को अनुगरे हाराई परमेसर का पुवितर मनकाँ का हाते बण्यो रेवे। आमीन।

परकासितवाक्य 3:11

मूँ वेगोई आबावाळो हूँ। ईं वाते ज्यो कई भी थाँरा नके हे वींमें ठम्याँ तका रो, जणीऊँ कुई थाँका जुग-जुग का जीवन को मुकट कोसी ने सके।

परकासितवाक्य 3:3

ईं वाते जणी हिक ने थाँ हूणी ही, वींने आद करो अन आपणो मन बदलो अन वीं हिक का जस्यान चाल चालो। जद्याँ थूँ अस्यान ने करी, तो मूँ चोर का जस्यान अणाचेत को थाँरा नके अई जाऊँ अन थने पतो भी ने पड़बा देऊँ।