परकासितवाक्य 22:2 - नुवो नेम (मेवड़ी नया नियम)

² अन नंदी का ईं पाल्डे अन पेला पाल्डे, जीवन को रूँकड़ो हो, वींमें बारा तरिया का फळ लागता हा। अन वो हरेक मिने फळतो हो। वीं रूँकड़ा का पान्दड़ाऊँ हारी जात्या जात्या का मनक हव वेता हा।

परकासितवाक्य 22:2 Iomraidhean Croise

लूका 4:18

“परमेसर की आत्मा मारा ऊपरे हे। काँके वणा मने गरीब मनकाँ ने हव हमच्यार हूँणबा का वाते चुण्यो हे। वणीस मने खन्दायो हे के, मूँ केदयाँ ने छुड़ाबा को अन आन्दा ने देकबा का सन्देस को परच्यार करूँ अन दब्या तका मनकाँ ने ऊँसा उठऊँ।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।

परकासितवाक्य 21:21

अन बाराई फाटकाँ बारा मोत्याऊँ बणी ही, अन हरेक फाटक एक-एक मोतीऊँ बण्यो हो, नगर का गेला हव काँस का जस्यान सुद होना बण्या तका हा।

परकासितवाक्य 21:24

हारी जात्या का मनक वीं दिवा का उजिता के आसरे आगे बड़ी, अन धरती का राजा आपणाँ-आपणाँ वेभव का सामान वींमें लाई।

परकासितवाक्य 22:1

ईंका केड़े वीं हरग-दुत मने जीवन देबावाळा पाणी की एक नंदी बतई। वाँ नंदी बिल्‍लोर का काँस जस्यान चमकती तकी पुवितर ही। वा नंदी परमेसर अन उन्याँ का वटेऊँ निकळन नगर की हड़क का वसा-वस वेती ही।

परकासितवाक्य 22:14

धन्न हे वाँने जीं आपणाँ गाबा धो लेवे हे। वाँने जीवन का रूँकड़ा का फळ खाबा को अदिकार वेई। वीं फाटकऊँ नगर में जाबा का अदिकारी वेई।

परकासितवाक्य 22:19

अन यद्याँ परमेसर का आड़ीऊँ बोलबावाळा की अणी किताब में लिक्या तका वसना मेंऊँ कई घटाई तो परमेसर ईं किताब में लिक्या तका जीवन का रूँकड़ा अन पुवितर नगर मेंऊँ वींको हिस्सो वणीऊँ कोसी लेई।