परकासितवाक्य 21:8 - नुवो नेम (मेवड़ी नया नियम)

⁸ पण दरपण्या अन बना विस्वासवाळा, भरस्ट, हत्यारा अन कुकरमी, जादु-टोना करबावाळा, मूरती पुजबावाळा, अन हाराई जूट बोलबावाळा को भाग वीं कुण्ड में मली ज्यो हमेस्यान बळतो रेवे हे। या दूजी मोत हे।”

परकासितवाक्य 21:8 Iomraidhean Croise

मत्ती 10:28

वाँकाऊँ मती दरपो, ज्यो बेस थाँने मार कर सके हे पण थाकी आत्माने नास ने सके हे, बेस वीं परमेसरऊँ दरपज्यो ज्यो सरीर अन आत्मा दुयाँ ने नरक में नाकन नास कर सके हे।

मत्ती 25:25

ईं वाते मूँ दरपग्यो अन जान थाँको धन खाड़ा में हपा दिदो, देको, ज्यो थाँको हे, वो ओ हे।’

मत्ती 8:26

तद्याँ ईसू वणाऊँ क्यो, “हो कम विस्वासवाळा, काँ दरपो हो?” अन वाँकाणी उटन डूँज अन लेराँ ने तापड़ी अन च्यारूँमेर डूँज सान्त वेगी।

मरकुस 9:44

जटे किड़ो ने मरे, जटे वादी कदी ने बजे।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

2 थिस्सुलुनिक्यों 2:9

ईं पाप का मनक को आणो सेतान की सगतिऊँ वेई अन ईंका में हारी जूटी तागत, जूटा हेन्याण, अचम्बा का काम अन पापऊँ भरिया छळ-कपट वेई। अन ओ अणा सगत्याँ ने वाँ मनकाँ वाते काम में लेई जीं नास वेबावाळा हे, काँके वणा हाँच का परेम ने गरण ने किदो जणीऊँ वाँकी मुगती वे जाती।

1 तिमुतियूस 4:2

अन या हिक जूटा मनकाँ का कपट की वजेऊँ फेली, ज्याको मन मरियो तको हे।

तीतूस 1:16

वीं परमेसर ने जाणबा को दावो तो करे हे, पण वाँका काम वाँने नकार देवे हे। वीं हूँगला अन बात ने ने मानबावाळा हे, वीं हव काम का जोगा ने हे।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

इब्रानियों 13:4

ब्याव को हाराई ने मान करणो छावे। लोग-लुगई एक-दूँजा का वाते वफादार रेवो। काँके दूजाँ का हाते गलत वेवार राकबावाळा लोग-लुगई ने अन कुकरम करबावाळा ने परमेसर सजा देई।

1 यहुन्ना 2:22

जूटो वो हे, ज्यो अस्यान केवे हे के, ईसू, मसी कोयने हे। अस्यान केबावाळो मनक मसी को दसमण हे। वो बापू अन बेटा दुयाँ ने नकार हे।

1 यहुन्ना 3:15

वीं हाराई मनक जीं खुद का भईऊँ दसमणी राके हे, वीं हत्यारा हे, थाँ ओ तो जाणोइस हो के, ज्यो मनक हत्यारो हे, वींमें अनंत जीवन की आस कोयने हे।

1 यहुन्ना 5:10

अन ज्यो भी मनक परमेसर का बेटा पे विस्वास करे हे, वो खुदई वींकी गवई देवे हे। जद्याँ कुई परमेसर क्यो, वणा बाताँ पे विस्वास ने करे, वो परमेसर ने जूटो ठेरावे हे। काँके परमेसर आपणाँ बेटा का वाते गवई दिदी हे।

परकासितवाक्य 14:10

तद्याँ वो परमेसर का गुस्सा का दाकरस ज्या वाँका गुस्साऊँ प्याला में गाळ्यो ग्यो हे, वींने पीई अन पुवितर हरग-दुताँ हामे अन उन्याँ का हामे वादी अन तेजाब का दुक में पड़ी।

परकासितवाक्य 19:20

वीं डरावणा जनावर ने अन वींके हाते जूटी आगेवाणी करबावाळा जी हेन्याण चमत्कार बतान वणा मनकाँ ने ज्यापे वीं जनावर की मोर लगई ही अन वींकी मूरत ने पुजा करता हा, वाँने पकड़ लिदा। वणा दुया ने वीं वादी की बळता तका नरक का कुण्ड में जीवताई नाक दिदा ग्या।

परकासितवाक्य 2:11

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती वींने दूँजी मोत कोयने जेलणी पड़ी।

परकासितवाक्य 2:2

मूँ थाँरा काम ने, थाँरी मेनत ने अन थारी सबर ने जाणूँ हूँ अन मूँ ओ भी जाणूँ हूँ के, थाँ बुरा मनकाँ ने देकणा ने छावो अन थूँ वणा मनकाँ ने जणा खुद ने खासतोर थरप्या तका चेला बोले हे पण वीं हाँची में कोयने, थें वींने परक्या अन वीं जूटा निकळ्या।

परकासितवाक्य 21:27

वींमें ने कुई हुगली चीज अन ने हूँगला काम करबावाळो, ने जूट बोलबावाळो कणी भी तरियाऊँ वटे ने आई। खाली वीं मनक आई ज्याको नाम उन्याँ की जीवन की किताब में लिक्या तका हे।

परकासितवाक्य 22:15

पण जादु-टोना करबावाळा, कुकरमी, हत्यारा, मूरती पुजबावाळा, अन हरेक तरियाऊँ जूट पे चालबावाळा, जूटऊँ परेम करबावाळा ईं अड़क्या गण्डकड़ा का जस्यान हे अन ईं हाराई नगरऊँ बारणे पड़्या रेई।

परकासितवाक्य 9:17

मने वीं दरसावा में वीं घोड़ा अन वणापे जो सवार हा, वीं दिकई दिदा, वाँका जिलम वादी की जस्यान लाल, तेजाब की जस्यान पिळी अन गेरा निळा रंग की ही। अन वाँका घोड़ा का माता नार का माता का जस्यान हा। अन वाँका मुण्डाऊँ वादी, धूवो अन तेजाब निकळरियो हो।

परकासितवाक्य 9:21

अन वणा आपणाँ मन ने हत्या, जादु-टोना, कुकरम, चोरी जो वीं करता हा, वणीऊँ भी ने बदल्यो।