परकासितवाक्य 21:4 - नुवो नेम (मेवड़ी नया नियम)

⁴ अन वो वाँकी आक्याँ का आसूँ पुछ नाकी अन ईंका केड़े मोत ने रेई, अन ने होक, ने रोणो-धोणो, ने पिड़ा रेई, काँके पेल्याँ की बाताँ जाती री ही।”

परकासितवाक्य 21:4 Iomraidhean Croise

मत्ती 24:35

धरती अन आकास टळ जाई, पण मारो बचन कदी ने टळी।

1 कुरिन्थियों 15:26

अन आकरी दसमण मोत को नास करियो जाई।

1 कुरिन्थियों 7:31

ज्यो ईं दनियाँ की चिजाँ को नफो लेरिया हे, वीं अस्यान रेवे के, वीं चिजाँ वाँके काम की ने हे, काँके दनियाँ अबे जस्यान हे वा खतम वे जाई।

2 कुरिन्थियों 5:17

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

2 कुरिन्थियों 6:17

“ईं वाते परबू केवे हे के, थाँ वणाऊँ न्यारा वेन बारणे निकळो, वणाऊँ खुद ने छेटी करो अन ज्यो खराब हे वींके कदी भी हात मती अड़ाज्यो तद्याँईस मूँ थाँने अपाणाऊँ।

इब्रानियों 12:27

अन या बात, “एक दाण ओरी” ईं बात ने परगट करे हे के, रचना किदी तकी चिजाँ मेंऊँ हालबावाळी चिजाँ नास किदी जाई, जणीऊँ ज्यो चिजाँ हाली कोनी, बेस वींइस अटल रेई।

2 पतरस 3:10

परमेसर को दन चोर का जस्यान अणाचेत को आई। परबू के पाच्छा आबा का दन आकास जोरऊँ गाजी अन नास वे जाई अन आकास पिंड जो आकास में हे वाँ हेली उनी वेन पिगळ जाई अन ईं धरती पे जो कई भी हे, वो भी बळ जाई।

1 यहुन्ना 2:17

या दनियाँ अन ईंकी हारी बुरी मरजी को नास वेई, पण ज्यो भी मनक परमेसर की मरजी पे चाले हे, वींको कदी नास ने वेई।

परकासितवाक्य 20:13

ज्यो मनक समन्द में मरग्या हा वाँने समन्द दे दिदा अन मोत अन पाताळ में ज्यो मनक हा, वाँने भी वणी दे दिदा। हाराई को न्याव वाँका कामाँ का जस्यान किदो ग्यो।

परकासितवाक्य 20:14

ईंका केड़े मोत ने अन पाताळ ने वादी का कुण्ड में नाक दिदा ग्या। यो वादी को कुण्डईस दूँजी मोत हे।

परकासितवाक्य 21:1

पछे में एक नुवो हरग अन नुवी धरती देकी। काँके पेलो हरग अन पेली धरती खतम वेग्या हा अन समन्द भी अबे ने रियो हो।

परकासितवाक्य 22:3

वटे कणी तरियाँ को कस्यो भी हराप ने वेई। परमेसर अन उन्याँ की गाद्दी वीं नगर में बणी रेई। वींका दास वींकी भगती करता रेई।

परकासितवाक्य 7:17

काँके ज्यो उन्यो गादी का बचमें में हे वो वाँकी रुकाळी करी। अन वो वाँने जीवन देबावाळा पाणी की सोता का नके लेन जाई अन परमेसर वाँकी आक्याँ का हाराई आसूँ पुछ देई।”