परकासितवाक्य 21:23 - नुवो नेम (मेवड़ी नया नियम)

²³ अन वीं नगर ने कस्याई सुरज अन चाँद की जरुरत ने ही के, वीं वींने उजितो देवे, काँके वो तो परमेसर का तेजऊँ चमकरियो हे। उन्योइस वीं नगर को दिवो हे।

परकासितवाक्य 21:23 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मरकुस 8:38

जद्याँ कुई मारा अन मारी हिकऊँ, कुकरमी अन पापी जमानाऊँ हरमाई तो मूँ ज्यो मनक को पूत(ईसू) हूँ, जद्याँ पुवितर हरग-दुताँ की लारे परमेसर की मेमा में आऊँ, तो वींका वाते हरमाऊँ।”

लूका 2:32

वो जी यहूदी ने हे, वाँका वाते थाँकी मुगती को गेलो बताबावाळो उजितो अन थाँका इजराएल का मनकाँ ने मेमा देबावाळो हे।”

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 1:18

परमेसर का कदी कणी दरसण ने किदा, बेस एकाएक बेटो ज्यो खुद परमेसर हे अन वाँका खोळा में हे, वणी वाँने आपणाँ पे परगट किदा।

यहुन्ना 1:4

बचन मेंईस जीवन हो अन वो जीवन मनकाँ का वाते उजितो हो।

यहुन्ना 1:9

वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।

यहुन्ना 17:24

“हो बापू, मूँ छावूँ हूँ के, ज्याँने थाँ मने दिदा हे, वीं जटे मूँ हूँ वटे वीं भी मारा लारे वेवे। ताँके वीं मारी वणी मेमा ने देके ज्यो थाँ मने दिदी, काँके थाँ दनियाँ का बणावाऊँ पेल्याऊँ माराऊँ परेम किदो।

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

थरप्या तका का काम 22:11

वीं अणाचेत का उजिताऊँ मने दिकतो बन्द वेग्यो, ईं वाते मारा हण्डाळ्याँ मारो हात पकड़न दमिसक में लेग्या।”

परकासितवाक्य 14:4

ईं मनक कूँवारा हा अन ने ईं कणी लुगई का हाते कदी हूँता। अन जटे वीं उन्यो जातो ईं वींके हाते वे जाता। ईं परमेसर का वीं पेला फळ हे, ज्याँने मोल देन छुड़ाया ग्या हा।

परकासितवाक्य 18:1

ईंका केड़े में एक ओरी हरग-दुत ने हरगऊँ रेटे उतरतो तको देक्यो, जिंका नके मोटो अदिकार हो, वींके मयने अस्यान को उजितो हो जणीऊँ हारी धरती पे उजितो वेग्यो।

परकासितवाक्य 21:11

परमेसर की मेमा वींमें ही अन वींकी ज्योती अनमोल काँस बिल्‍लोर के जस्यान चमक री ही।

परकासितवाक्य 21:25

दन की टेम में वींकी फाटक कदी बन्द ने वेई अन वटे रात तो कदी वेईस ने।

परकासितवाक्य 22:5

वटे कदी रात ने वेई अन नेई वाँने सुरज अन दिवा का उजिता की जरुरत वेई। काँके वाँका पे परबू परमेसर आपणो उजितो नाकी अन वीं मनक हमेस्यान हमेस्यान राज करी।

परकासितवाक्य 5:6

मूँ देकूँ हूँ के, वाँ गादी, च्यारई जीवता जीव का हामे अन वणा पुरवज का बचमें एक उन्यो ऊबो तको हे। वो अस्यान लागरियो जस्यान के, वींकी बली चड़ई गी वे। वींके हात हिंगड़ा अन हात आक्याँ ही, ईं परमेसर की हात आत्मा ही, ज्याँने आकी धरती पे खन्दई गी ही।

परकासितवाक्य 7:17

काँके ज्यो उन्यो गादी का बचमें में हे वो वाँकी रुकाळी करी। अन वो वाँने जीवन देबावाळा पाणी की सोता का नके लेन जाई अन परमेसर वाँकी आक्याँ का हाराई आसूँ पुछ देई।”