परकासितवाक्य 21:2 - नुवो नेम (मेवड़ी नया नियम)

² पछे में पुवितर नगर नुवो यरूसलेम ने हरगऊँ परमेसर का नकेऊँ उतरते देक्यो अन वो वीं लाड़ी का जस्यान हे, ज्याँ आपणाँ धणी का वाते सजे धजे।

परकासितवाक्य 21:2 Iomraidhean Croise

यहुन्ना 3:29

वोईस बींद हे, जिंकी लाड़ी हे, पण बींद को यार ज्यो ऊबो रेन वींकी हुणे अन वो बींद की वाणीऊँ घणो राजी वेवे हे। अस्यानीस मारो आणन्द पूरो व्यो हे।

2 कुरिन्थियों 11:2

काँके जस्यान परबू थाँकी चन्ता करे हे वस्यान मूँ भी थाँकी चन्ता करूँ हूँ। मूँ थाँकी बात एकीस मसी का हाते लगा मेली हे जणीऊँ मूँ थाँने पुवितर कूँवारी छोरी का जस्यान मसी ने हूँप दूँ।

इब्रानियों 11:10

काँके अबराम वणी नगर की वाट नाळरियो हो, जिंकी नीम मजबूत हे अन जिंने परमेसर माढ्यो अन बणायो हो।

इब्रानियों 11:16

पण वीं तो बड़िया नगर में जाबा की मरजी राके हे, ज्यो हरग हे। ईं वाते वीं परमेसर ने आपणाँ परमेसर केबाऊँ हरम कोनी करे, काँके वणी वाँका वाते एक नगर त्यार करन मेल्यो हे।

इब्रानियों 12:22

पण थाँ सिय्योन मंगरा का नके, जीवता परमेसर का हरग का नगर यरूसलेम का नके अन हजारो हरग-दुताँ,

इब्रानियों 13:14

काँके अटे आपणो कस्योई हेमस्यान रेवा वाते नगर ने हे, पण आपीं तो वणी नगर की वाट नाळरिया हे, ज्यो आबावाळो हे।

परकासितवाक्य 1:1

आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।

परकासितवाक्य 1:4

मूँ यहुन्नो आसिया परदेस की हात मण्डळ्याँ का नाम यो लिकरियो हूँ, जी परमेसर का आड़ीऊँ अबाणू हे, जीं हमेस्यान हे अन ज्यो आबावाळो हे, वाँ हात आत्मा का आड़ीऊँ जीं वींके गाद्दी का हामे हे। अन ईसू मसी का आड़ीऊँ ज्यो विस्वास जोगो अन मरिया तका मेंऊँ जीवतो वेबावाळा मेंऊँ पेलो हे, अन ईं धरती का राजा पे हाकम हे। ज्यो आपणाँऊँ परेम करे हे। अन वणी आपणाँ खुनऊँ आपाँने पापऊँ छुटकारो दिदो हे, वीं ईसू मसी का आड़ीऊँ, थाँका पे दया, सक अन सान्ती वेती रेवे।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।

परकासितवाक्य 11:2

पण मन्दर की चार दिवारी की जगाँ ने मती नापज्ये, काँके ओ जो यहूदी ने हे वणा मनकाँ ने दिदो ग्यो। वीं बयालिस मिना तईं आपणाँ पगाँऊँ वीं पुवितर नगर ने गूंदी।

परकासितवाक्य 21:10

वो दूत मने परमेसर की आत्मा में एक मोटा अन ऊसा मंगरा पे लेग्यो, अन वणी मने पुवितर नगर नुवा यरूसलेम का दरसण कराया। वो नगर परमेसर का आड़ीऊँ रेटे उतर रियो हो।

परकासितवाक्य 21:9

पछे वणा हाताँ दुताँ का नके आकरी हात विपत्याऊँ भरिया तका हात प्याला हा, वणा मेंऊँ एक मारा नके आयो अन माराऊँ बात करन क्यो, “अटे आ, मूँ थने वणी लाड़ी ने बताऊँ, ज्याँ उन्याँ की लुगई हे।”

परकासितवाक्य 22:17

पुवितर आत्मा अन लाड़ी केवे हे, “आ।” अन ज्यो ईंने हुणे हे, वीं भी केवे, “आ।” अन ज्यो तरियो हे वो भी आवे अन ज्यो कुई छाई, वो जीवन को पाणी फोकट में पिया करी।

परकासितवाक्य 22:19

अन यद्याँ परमेसर का आड़ीऊँ बोलबावाळा की अणी किताब में लिक्या तका वसना मेंऊँ कई घटाई तो परमेसर ईं किताब में लिक्या तका जीवन का रूँकड़ा अन पुवितर नगर मेंऊँ वींको हिस्सो वणीऊँ कोसी लेई।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।