परकासितवाक्य 2:23 - नुवो नेम (मेवड़ी नया नियम)

²³ मूँ वींका बाळकाँ ने मार देऊँ, तो हारी मण्डली ओ जाण जाई के, मूँ मन अन बदी जाणबावाळो हूँ। अन मूँ थाँ हाराई ने थाँका कामाँ के जस्यान बदलो देऊँ।

परकासितवाक्य 2:23 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

यहुन्ना 21:17

ईसू तीजी दाण क्यो, “ए समोन, यहुन्ना का बेटा, कई थूँ माराऊँ परेम राके हे?” तो पतरस दकी वेग्यो के, वाँकाणी वींने तीजी दाण अस्यान काँ क्यो, “कई थूँ माराऊँ परेम राके हे?” अन वाँने क्यो, “ओ परबू, थाँ तो सब जाणो हो। थाँ ओ भी जाणो हो के, मूँ थाँकाऊँ परेम करूँ हूँ।” ईसू वींने क्यो, “मारा गारा ने चरा।

यहुन्ना 4:16

ईसू वींने क्यो, “जा, आपणाँ घरधणी ने अटे बला ला।”

थरप्या तका का काम 1:24

पछे वाँ हंगळा जणा परातना करन केबा लागा के, ओ परबुजी, थाँ तो हारई को मन जाणो हो अन अबे माने ओ बतावो के, आ दुई जणाऊँ थाँ किंने थरपणो छावो हो,

रोमियों 14:12

आपणाँ मेंऊँ हाराई जणा ने परमेसर का हामे खुद को लेको देणो पड़ी।

रोमियों 8:27

पण वो मना की जाणबावाळो जाणे हे के, आत्मा की मनसा कई हे? काँके परमेसर की मरजीऊँ वाँ परमेसर का पुवितर मनकाँ वाते अरज करे हे।

2 कुरिन्थियों 5:10

काँके आपाँ ईं देह में रेन ज्यो भी भलो-बुरो काम कराँ हाँ, वींको फळ पाबा का वाते आपाँने मसी की न्याव-गादी का हामे जरुर ऊबा वेणो पेड़ी।

गलातियों 6:5

काँके हाराई मनकाँ ने आपणोईस बोज तोकणो पड़े हे।

इब्रानियों 4:13

दनियाँ की कस्यी भी चीज परमेसरऊँ हपी तकी ने हे, वाँकी आक्याँ का हामे हारी चिजाँ खुली अन बना परदा की हे। वाँका हामे आपाँने आपणो लेको देणो हे।

1 पतरस 1:17

जद्याँ थाँ परमेसर ने जो हाराई मनकाँ ने वाँका काम का जस्यान अन जो पकसपात का हाते न्याव ने करे, वींने थाँ “हो बापू” केन बलावो हो, तो थाँ ईं बारवासी धरती पे रेता तका परमेसर ने आदर देता तका जीवन जीवो।

परकासितवाक्य 2:11

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती वींने दूँजी मोत कोयने जेलणी पड़ी।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।

परकासितवाक्य 20:12

वींके केड़े में फोराऊँ लेन मोटा तईं का हाराई मरिया तका मनकाँ ने वीं गादी का हामे ऊबा तका देक्यो, अन थोड़ीक पोत्याँ खोली गी वणाके केड़े एक ओरी पोती खोली गी, याईस “जीवन की पोती हे।” वाँके करमा का जस्यान ज्या ईं पोती में लिक्या ग्या हा, मरिया तका को न्याव किदो ग्यो हो।

परकासितवाक्य 20:13

ज्यो मनक समन्द में मरग्या हा वाँने समन्द दे दिदा अन मोत अन पाताळ में ज्यो मनक हा, वाँने भी वणी दे दिदा। हाराई को न्याव वाँका कामाँ का जस्यान किदो ग्यो।

परकासितवाक्य 22:12

ईसू क्यो, “हुणो, मूँ पगईं आबावाळो हूँ अन आपणाँ हाते थाँका वाते फळ लेन आरियो हूँ, जणी जस्या करम किदा हे वींने वींके करमा का जस्यान फळ देऊँ।

परकासितवाक्य 6:8

अन में फिका पीळा रंग को घोड़ा देक्यो। ज्यो वींपे सवार हो वींको नाम मोत हो, वींके पाछे-पाछे पाताळ हो वींने धरती का एक चोता भाग पे हक दिदो ग्यो के, वो तरवारऊँ, काळऊँ, मांदकीऊँ अन धरती का जनावराऊँ मनकाँ ने मरावे।