परकासितवाक्य 2:19 - नुवो नेम (मेवड़ी नया नियम)

¹⁹ मूँ थाँरा कामाँ ने, थाँरा परेम ने, विस्वास ने, थाँरी सेवा ने अन थाँरा धीरज ने जाणूँ हूँ, अन मूँ ओ भी जाणूँ हूँ के, अबे थूँ ईं पेल्याऊँ ज्यादा हेलो काम करे हे।

परकासितवाक्य 2:19 Iomraidhean Croise

लूका 1:23

जद्याँ वींकी सेवा-चाकरी का दन पूरा व्या, तो वो आपणाँ घरे परोग्यो।

यहुन्ना 15:2

ज्याँ डाळी मारा में हे अन फळ ने लावे हे, वो वींने काट नाके हे अन ज्या फळ देवे हे, वींने वो छांगे हे, ताँके वाँ साप वे सके अन ओरी फळ लावे।

कुलुसियों 3:14

अणा हारी बाताँ का ऊपरे परेम ने धारण करलो, काँके परेमईस हे ज्यो यो अणा हारी बाताँ ने हव तरियाऊँ भेळी करन राके हे।

1 थिस्सुलुनिक्यों 3:6

तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे।

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 पतरस 4:8

हाराऊँ बड़िया बात आ हे के, एक-दूजाऊँ हाँचो परेम राको, काँके परेम नरई पापाँ ने धो देवे हे।

2 पतरस 1:7

अन भगती का हाते भईचाराऊँ परेम अन ईं भईचारा में दयालुता का हाते परेम में बड़ो।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 2:9

थें जीं कळेस जेल्या हा, वींके बारा में अन थाँकी गरीबी ने जाणूँ हूँ, तो भी थाँ हाँची में धनी हो। जी मनक खुद ने यहूदी केवे हे पण वीं हाँची में कोयने हे, वीं तो सेतान की मण्डली हे, वीं थाँरी बुरई करे हे वींके बारा में मूँ भी जाणूँ हूँ।