परकासितवाक्य 19:6 - नुवो नेम (मेवड़ी नया नियम)

⁶ ईंका केड़े में पाछो घणा हाराई मनकाँ की भीड़ की अवाज हूणी ओ अस्यान लागरिया हो जस्यान के पाणी की जरणा वे कन जस्यान वादळा की गाजबा की अवाज वेवे। वीं मनक गारिया हा, “हलेलुय्या! आपणाँ परबू परमेसर की जे हो! काँके सर्वसक्‍तिमान परमेसर राज करे हे।

परकासितवाक्य 19:6 Iomraidhean Croise

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

परकासितवाक्य 1:15

वाँका पग पकई तकी पीतळ का जस्यान चमकरिया हा अन वाँकी अवाज पाणी का जरणा का जस्यान ही।

परकासितवाक्य 1:8

परबू परमेसर जीं हा, अन जीं हमेस्यान हे, जीं आबावाळा हे, जीं हाराईऊँ तागतवर हे, वीं केवे हे के, “मूँईस अलफा अन ओमेगा हूँ।”

परकासितवाक्य 12:10

ईंका केड़े मने हरगऊँ जोरकी अवाज हुणई दिदी, “अबे आपणाँ परमेसर को छुटकारो, तागत, अन वींको राज अन मसी को अदिकार परगट व्यो हे, काँके आपणाँ भायाँ पे दोस लगाबावाळो, ज्यो रात-दन आपणाँ परमेसर का हामे वणापे दोस लगाया करतो हो, वींने हरगऊँ रेटे फेंक दिदा ग्यो।

परकासितवाक्य 14:2

अन मने हरगऊँ जोरकी अवाज हुणई दिदी वा अवाज वेता तका जरणा का अन बिजळी का कड़कवा का जस्यान की ही, ज्या अवाज में हूणी, वाँ मानो, घणा जणा रणभेरी बजाबावाळा का जस्यान की ही।

परकासितवाक्य 19:1

ईंका केड़े मने हरग में घणा मनकाँ को एक हाते अवाज हुणई दिदी वीं जोरऊँ केरिया हा, “हलेलुय्या! परमेसर की मेमा वेवे! काँके छुटकारो, तागत अन मेमा वींइस देवे हे।

परकासितवाक्य 19:4

वीं चोवीस पुरवज अन च्यारई जीवता जीव गादी पे बेट्या तका परमेसर के धोक लागन गीत गाबा लागा। “हलेलुय्या! वींकी जेजेकार हो। आमीन।”

परकासितवाक्य 21:22

नगर में मने कुई मन्दर ने दिकई दिदो, काँके सर्वसक्‍तिमान परबू परमेसर अन उन्योइस वाँको मन्दर हे।

परकासितवाक्य 4:5

अन वीं गादी मेंऊँ विजळी अन वादळा के गाजबा की अवाज आरी ही। गाद्दी का हामे हात मसाळ चालरी ही, ईं मसाळ परमेसर की हात आत्मा हे।

परकासितवाक्य 6:1

में देक्यो के, वणी उन्ये वणा हात मोराँ मेंऊँ एक मोर खोली। तो वाँ च्यार जीवता जीव मेंऊँ एक ने में वादळा की गाजबा की अवाज का जस्यान ओ केतो तको हुण्यो, “आ।”

परकासितवाक्य 8:5

हरग-दुत धुपदानऊँ वेदी की वादी लेन धरती पे फेंक दिदी, तो वादळा में गाजबा लागो अन विजळी चाली अन भूकम आयो।