परकासितवाक्य 18:21 - नुवो नेम (मेवड़ी नया नियम)

²¹ “अणा बाताँ का केड़े में एक जोरावर हरग-दुत ने चक्की का पाट की जस्यान की मोटी छाँट तोकन वींने समन्द पे फेंकते तके क्यो, “यो बाबुल नगर भी, ईं छाँट का जस्यान फेंक दिदो जाई। अन पाछो कदी ने लादी।

परकासितवाक्य 18:21 Iomraidhean Croise

परकासितवाक्य 10:1

ईंका केड़े में हरगऊँ एक जोरावर हरग-दुत ने रेटे उतरतो देक्यो। वींके च्यारूँमेर वादळा हा, वींके मातो का नके मेघ धनुस हो। वींको मुण्डा सुरज की जस्यान चमकरियो हो अन वींका पग वादी का थाम्बा का जस्यान हा।

परकासितवाक्य 12:8

पण वो अजगर वाँने हरा ने सक्यो, ईं वाते हरग में वींकी जगाँ ने री।

परकासितवाक्य 16:20

हाराई टापू खुवई ग्या। एक मंगरो भी नजर ने आरियो हो।

परकासितवाक्य 18:10

वीं राजा वींको ओ दण्ड देकन दरपता तका छेटी ऊबा वेन बोली के, “‘हे मोटा नगर बाबुल, थाँरा ऊपरे धिकार हे।’ ‘देको, नामेक देर में ईं थने थाँरो दण्ड मलग्यो।’”

परकासितवाक्य 18:22

अन ने थाँरा में पाछो कदी, कुई रणभेरी, वाँसळी, नरसिंगा की धुन हुणई देई। अन नेई थाँरा में पाछो कदी कुई कलाकारी करबावाळो कारीगर मली! न नेई चक्की चालबा की अवाज हुणई देई।

परकासितवाक्य 20:11

तद्याँ में मोटी धोळी गादी अन वींपे बेट्या तका ने देक्यो, वींके हामेऊँ धरती अन आकास भागग्या अन वाँको नामो निसाण मटग्यो।

परकासितवाक्य 5:2

तो में एक जोरवार हरग-दुत ने देक्यो जणी जोरऊँ अस्यान हेलो पाड़्यो हो के, “ईंकी मोराँ तोड़बा अन किताब ने खोलबा के जोगो कूण हे?”