परकासितवाक्य 18:19 - नुवो नेम (मेवड़ी नया नियम)

¹⁹ वीं आपणाँ ऊपरे धूळो नाकता अन रोता तका बोलबा लागा, “‘धिकार हे ईं मोटा नगर पे जिंकी धन-दोलतऊँ, समन्द में जाँज चलाबावाळा रिप्यावाळा बणग्या। काँके वो नगर रिप्यावाळो नगर हे। पण देको, नामेक देर मेंईस नास वेग्यो।’”

परकासितवाक्य 18:19 Iomraidhean Croise

परकासितवाक्य 17:16

अन वीं दस हिंगड़ा जिंने थें देक्या हा अन वाँके हाते वीं डरावणा जनावर वीं वेस्याऊँ नपरत करी, वीं वींको हारोई कोसन वींने उगाड़ी कर देई। अन वींको माँस खई जाई अन वींने वादी में बाल देई।

परकासितवाक्य 18:10

वीं राजा वींको ओ दण्ड देकन दरपता तका छेटी ऊबा वेन बोली के, “‘हे मोटा नगर बाबुल, थाँरा ऊपरे धिकार हे।’ ‘देको, नामेक देर में ईं थने थाँरो दण्ड मलग्यो।’”

परकासितवाक्य 18:3

काँके वणा हाराई मनकाँ ने कुकरम का वासना को दाकरस पायो हे। अन ईं धरती का हाराई राजा वींके हाते कुकरम किदो। अन ईं धरती की हाराई लेण-देण करबावाळा, वींका भोगन विलास की वजेऊँ रिप्यावाळा वेग्या हा।”

परकासितवाक्य 18:8

ईं वजेऊँ वींपे एक दन मेंईस विपती का जस्यान के दक, काळ, मोत आ पड़ी। अन वादी वींने बाल देई। काँके सर्वसक्‍तिमान परबू परमेसर, वींको न्याव करबावाळो हे।