परकासितवाक्य 18:16 - नुवो नेम (मेवड़ी नया नियम)

¹⁶ “‘धिकार हे ईं मोटा नगर पे ज्यो पेल्याँ मखमल, बेगनी, अन किरमिजी की गाबा पेरिया करतो अन होना, हीरा अन मोत्याऊँ सज्या-धज्या करतो हे।

परकासितवाक्य 18:16 Iomraidhean Croise

परकासितवाक्य 17:3

तद्याँ आत्मा मने कांकड़ में लेगी, वटे में एक लुगई ने लाल रंग का डरावणा जनावर पे बेटी तकी देकी, ओ जनावर परमेसर का विरोद में बोलबा सबदाऊँ भरियो हो। वींके हात माता अन दस हिंगड़ा हा।

परकासितवाक्य 17:4

वणी लुगई लाल रंग का बेगनी गाबा पेर मेल्या हा। वाँ हीरा मोत्याऊँ अन होना, चाँदीऊँ खुद को सिगार कर मेल्यो हो। वींके हात में होना को प्यालो हो, जिंका में बुरी बाताँ अन कुकरम की चिजाँ भरी तकी ही।

परकासितवाक्य 18:18

जद्याँ वीं वणी नगर ने बळता तका अन वीं मेंऊँ धूवा उटतो तको देक्यो तद्याँ वीं जोरऊँ केबा लागा, ‘ईं मोटा नगर का जस्यान कस्यो ओरी नगर हे?’

परकासितवाक्य 18:19

वीं आपणाँ ऊपरे धूळो नाकता अन रोता तका बोलबा लागा, “‘धिकार हे ईं मोटा नगर पे जिंकी धन-दोलतऊँ, समन्द में जाँज चलाबावाळा रिप्यावाळा बणग्या। काँके वो नगर रिप्यावाळो नगर हे। पण देको, नामेक देर मेंईस नास वेग्यो।’”