परकासितवाक्य 17:8 - नुवो नेम (मेवड़ी नया नियम)

⁸ जीं डरावणा जनावर ने थें देक्यो हे, वो अबे ने, पण पेल्याँ जीवतो हो, पण वो पाताळऊँ निकळबा वाळो हे, अन तद्याँ वींको नास वे जाई। धरती पे रेबावाळा वीं मनक ज्याँका नाम सरुआतऊँ ईं जीवन की किताब में ने लिक्या हे, वीं ईं डरावणा जनावर ने देकन अचम्बो करी, काँके ओ पेला जीवतो हो पण अबे ने, तद्याँ भी वो आबावाळो हे।

परकासितवाक्य 17:8 Iomraidhean Croise

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

लूका 10:20

पण, ईं वातेईस राजी मती वेवो के, हुगली आत्मा थाँका बंस में हे, पण अणीऊँ खुस वेवो के, थाँको नाम हरग में लिक्यो ग्यो हे।”

लूका 8:31

अन वणी ईसुऊँ अरज किदी के, माने पाताळ में जावा को हुकम मती दो।

यहुन्ना 17:24

“हो बापू, मूँ छावूँ हूँ के, ज्याँने थाँ मने दिदा हे, वीं जटे मूँ हूँ वटे वीं भी मारा लारे वेवे। ताँके वीं मारी वणी मेमा ने देके ज्यो थाँ मने दिदी, काँके थाँ दनियाँ का बणावाऊँ पेल्याऊँ माराऊँ परेम किदो।

थरप्या तका का काम 15:18

वेईस बाताँ हे, ज्याँने मूँ पेल्याऊँ केतो आरियो हूँ।’”

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

तीतूस 1:2

अन ओ हाँच, वीं जीवन की आस बन्दावे हे, जो कदी खतम ने वेवे हे। परमेसर कदी जूट ने बोले अन ईंको वादो विस्वास जोगा परमेसर सरुवातऊँ कर दिदो हो।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

परकासितवाक्य 11:7

जद्याँ वीं परच्यार हुणा देई, तो वो डरावणो जनावर, ज्यो पाताळ मेंऊँ निकळी, वो वाँकाऊँ लड़न वाँने मार देई।

परकासितवाक्य 17:11

अन वो डरावणो जनावर ज्यो पेला जीवतो हो, पण अबे ने हे, वो खुद आटवो राजा हे ओ अणा हातई राजा मेंऊँ एक हे, वींको भी नास वेबावाळो हे।

परकासितवाक्य 17:2

जिंका हाते धरती की राजा कुकरम किदा हा धरती पे रेबावाळा वींका कूकरमऊँ मतवाळा वेग्या हा।”

परकासितवाक्य 20:10

अन वीं सेतान ने ज्यो वाँने भरमातो हो, वीं वादी का कुण्ड में जिंका में वीं डरावणा जनावराने अन वींका जूटी आगेवाणी करवावाळा नाक्या ग्या हा, वींने भी नाक दिदो जाई, जिंमें वीं हमेस्यान दन रात तड़पता रेई।

परकासितवाक्य 20:12

वींके केड़े में फोराऊँ लेन मोटा तईं का हाराई मरिया तका मनकाँ ने वीं गादी का हामे ऊबा तका देक्यो, अन थोड़ीक पोत्याँ खोली गी वणाके केड़े एक ओरी पोती खोली गी, याईस “जीवन की पोती हे।” वाँके करमा का जस्यान ज्या ईं पोती में लिक्या ग्या हा, मरिया तका को न्याव किदो ग्यो हो।

परकासितवाक्य 20:15

जिंको भी नाम “जीवन की पोती” में लिक्यो तको ने मल्यो, वींने भी वादी का कुण्ड में नाक दिदो ग्यो।

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।

परकासितवाक्य 3:5

ज्यो भी जिती, वीं अस्याईस धोळा गाबा पेरी। मूँ जीवन की किताब मेंऊँ वाँका नामने ने वगाड़ूँ, पण वाँका नाम ने बापू परमेसर अन वींका हरग दुताँ का हामे मान लेऊँ के, ईं मारा हे।