परकासितवाक्य 15:1 - नुवो नेम (मेवड़ी नया नियम)

¹ ईंका केड़े में हरग में एक ओरी अचम्बो करबावाळो हेन्याण देक्यो, में कई देक्यो के, हात हरग-दुत हे अन वाँके नके हात विपत्याँ ही। काँके ईं आकरी नास के पूरो व्या केड़े परमेसर को गुस्सा को भी अंत वे जाई।

परकासितवाक्य 15:1 Iomraidhean Croise

परकासितवाक्य 10:3

अन नार की जस्यान दाड़ मारी, जद्याँ वणी दाड़ मारी, तो गाजबा की हात दाण अवाज हुणई दिदा।

परकासितवाक्य 11:14

अस्यान दूजी विपती बीतगी, पण तीजी विपती वेगी आबावाळी हे।

परकासितवाक्य 14:10

तद्याँ वो परमेसर का गुस्सा का दाकरस ज्या वाँका गुस्साऊँ प्याला में गाळ्यो ग्यो हे, वींने पीई अन पुवितर हरग-दुताँ हामे अन उन्याँ का हामे वादी अन तेजाब का दुक में पड़ी।

परकासितवाक्य 14:19

अन वणी हरग-दुत धरती पे आपणी दाँतळी चलाई, अन धरती का अंगूरा का गुच्छा ने काटन परमेसर का गुस्सा का मोटा कुण्ड में नाक दिदा।

परकासितवाक्य 16:1

तद्याँ में हुण्यो के, वाँ हातई हरग-दुताँ ने मन्दर मेंऊँ कुई जोरऊँ अवाज देन केरियो हो, “जावो अन अणा परमेसर का कोप का हातई प्याला ने धरती पे उँन्धई दो।”

परकासितवाक्य 17:1

ईंका केड़े वाँ हात हरग-दुताँ मेंऊँ ज्याँका नके हात प्याला हा, एक मारी नके आन क्यो, “अटे आ, मूँ थने वीं मानी तकी वेस्याँ ने दण्ड भोगती तकी बताऊँ, ज्या घणी नंद्‍याँ का कनारे बेटी हे,

परकासितवाक्य 19:15

पापी ने मारबा का वाते वींके मुण्डाऊँ एक तीकी तरवारऊँ बारणे निकळरी ही। वो लोड़ा की लाटी की जोर पे वाँका पे राज करी अन सर्वसक्‍तिमान परमेसर की गुस्सा की सुल में वाँने अस्यान गूंदी जस्यान अंगूर ने कुण्ड में गुँदे।

परकासितवाक्य 21:9

पछे वणा हाताँ दुताँ का नके आकरी हात विपत्याऊँ भरिया तका हात प्याला हा, वणा मेंऊँ एक मारा नके आयो अन माराऊँ बात करन क्यो, “अटे आ, मूँ थने वणी लाड़ी ने बताऊँ, ज्याँ उन्याँ की लुगई हे।”

परकासितवाक्य 8:13

तो में आकास में एक बाज ने उड़तो तको देक्यो अन वो जोरकी अवाज में बोलरियो हा के, “आलतरे तो तीन हरग दुताँ को रणभेरी बजाणी बाकी हे, ईं वाते धरती पे रेबावाळा मनकाँ ने कतरो दुक वेई, कतरो दुक वेई।”

परकासितवाक्य 8:2

में परमेसर का हामे हात हरग दुताँ ने देक्या। वाँने हात रणभेरियाँ दिदी गी ही।

परकासितवाक्य 8:6

तो वीं हरग-दुत ज्याँका नके हात रणभेरियाँ हा, वीं वाँने बजाबा का वाते त्यार वेग्या।

परकासितवाक्य 9:20

पछे वीं मनक जो वाँकी मारऊँ बचग्या हा, वणा आपणाँ मन ने ने बदल्यो, पण वीं तो हुगली आत्मा, होना, चाँदी, पीतळ, भाटा अन कांस्या की मूरताँ के, जीं ने बोल सके हे, ने देक सके हे, अन ने चाल सके अन ने हुणन सके, वाँके धोक लागणो ने छोड़्यो।