परकासितवाक्य 14:6 - नुवो नेम (मेवड़ी नया नियम)

⁶ ईंका केड़े में एक ओरी हरग-दुत ने आकास का बचमें में ऊसे उड़तो तको देक्यो। वींके नके धरती पे रेबावाळा हाराई मनकाँ का वाते, हाराई देस, हारी बोली बोलबावाळा का वाते अन हाराई कुल का मनकाँ ने हुणाबा का वाते अनंत हव हमच्यार हो।

परकासितवाक्य 14:6 Iomraidhean Croise

मत्ती 10:27

मूँ अंदारा में ज्यो कई थाँकाऊँ केवूँ हूँ, वींने थाँ दन का उजिता में केज्यो। ज्यो कई में थाँका कान्दड़ा में क्यो, थाँ मेड़ी माते चड़न, वींको परच्यार करो।

मरकुस 16:15

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

इब्रानियों 13:20

जणी गारा का वणी मान गवाळ्याँ आपणाँ परबू ईसू ने वीं अनंतकाल का करार करबावाळा लुईऊँ मरिया तका मेंऊँ पाच्छा जीवता कर दिदा, वीं सान्तीदाता परमेसर, थाँ हाराने हव चिजाँ में धपा दे, जणीऊँ थाँ वाँकी मनसा ने पुरी कर सको। अन ज्यो कई वींने भावे हे, वींने ईसू मसीऊँ आपाँ में पूरो करे। परमेसर की मेमा हमेस्यान वेती रेवे। आमीन।

1 पतरस 1:25

पण परबू को वसन जुग-जुग का वाते अटल रेवे हे।” यो वोईस हव हमच्यार हे, जो थाँने हुणायो ग्यो हे।

परकासितवाक्य 10:11

तो पछे वणी माराऊँ क्यो के, थने परमेसर को संदेस हाराई मनकाँने, देसाने, हाराई राजा ने, हारी बोली बोलबावाळा मनकाँ ने हूणाणो पेड़ी।

परकासितवाक्य 10:7

पण जद्याँ हातवे हरग-दुत को रणभेरी बजाबा को टेम आई, तो परमेसर की वाँ बात जीं छाने हे पुरी वेई, जिंने वीं आपणाँ दासा अन परमेसर का आड़ीऊँ बोलबावाळा बतई ही।

परकासितवाक्य 13:7

वींने ओ हक दिदा ग्यो हो के, वो हाराई कुल का मनकाँ का, हारी बोली बोलबावाळा का, हारी जात्या का मनकाँ का हाते, लड़न वाँने हरा नाके।

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।

परकासितवाक्य 8:13

तो में आकास में एक बाज ने उड़तो तको देक्यो अन वो जोरकी अवाज में बोलरियो हा के, “आलतरे तो तीन हरग दुताँ को रणभेरी बजाणी बाकी हे, ईं वाते धरती पे रेबावाळा मनकाँ ने कतरो दुक वेई, कतरो दुक वेई।”