परकासितवाक्य 14:2 - नुवो नेम (मेवड़ी नया नियम)

² अन मने हरगऊँ जोरकी अवाज हुणई दिदी वा अवाज वेता तका जरणा का अन बिजळी का कड़कवा का जस्यान की ही, ज्या अवाज में हूणी, वाँ मानो, घणा जणा रणभेरी बजाबावाळा का जस्यान की ही।

परकासितवाक्य 14:2 Iomraidhean Croise

1 कुरिन्थियों 13:1

यद्याँ मूँ मनकाँ अन हरग-दुताँ की बोली बोलूँ पण लोगाऊँ परेम ने करूँ, तो मूँ टन टन करतो तको पीतळ अन फालतू में बाजतो तको ढोल हूँ।

परकासितवाक्य 1:10

मूँ परबू का दन पुवितर आत्मा का काबू में आग्यो अन में दरसावो देक्यो, मने मारा पाच्छे रणभेरी की अवाज हुणई दिदी।

परकासितवाक्य 1:15

वाँका पग पकई तकी पीतळ का जस्यान चमकरिया हा अन वाँकी अवाज पाणी का जरणा का जस्यान ही।

परकासितवाक्य 11:12

वणा दुया ने हरगऊँ अवाज हुणई दिदी के, “ऊपरे अई जावो।” अस्यान हुणन वीं दुई आपणाँ दसमणा ने देकता देकता हरग में पराग्या।

परकासितवाक्य 11:15

हातवे दूत जद्याँ रणभेरी बजई, तो हरगऊँ जोरकी अवाज अई के, “अबे ईं धरती पे परबू अन वींका मसी को राज हे। अन वीं जुग-जुग तईं राज करी।”

परकासितवाक्य 15:2

ईंका केड़े मने काँस का जस्यान को समन्द नजर आयो वो अस्यान दिक्यो हो जस्यान के, वींके मयने वादी वेवे। जी मनक वीं डरावणा जनावर की मूरती अन वींका नाम का नम्बरऊँ जितग्या हा, वाँने वीं काँस का समन्द पे ऊबा तका देक्यो। वणा का नके परमेसर का आड़ीऊँ दिदी तकी रणभेरी ही।

परकासितवाक्य 18:22

अन ने थाँरा में पाछो कदी, कुई रणभेरी, वाँसळी, नरसिंगा की धुन हुणई देई। अन नेई थाँरा में पाछो कदी कुई कलाकारी करबावाळो कारीगर मली! न नेई चक्की चालबा की अवाज हुणई देई।

परकासितवाक्य 5:8

अन जद्याँ वणी किताब ले लिदी, तो वणा च्यारई जीवता जीव अन वीं चोवीस पुरवज वींके धोक लाग्या। वणा हाराई का नके विणा ही अन वीं वाना आबावाळी चिजाँऊँ भरिया तका होना का प्याला लेन राक मेल्या हा। यो धरमिया की परातना दिकावे हे।

परकासितवाक्य 6:1

में देक्यो के, वणी उन्ये वणा हात मोराँ मेंऊँ एक मोर खोली। तो वाँ च्यार जीवता जीव मेंऊँ एक ने में वादळा की गाजबा की अवाज का जस्यान ओ केतो तको हुण्यो, “आ।”

परकासितवाक्य 8:7

पेले हरग-दुत जस्यानी रणभेरी बजई, वस्यानई लुई वाळा गड़ा अन वादी दिकई दिदी अन वाँने धरती पे फेंक दिदा। जणीऊँ धरती को एक तीहाई भाग बळग्यो। एक तीहाई रूँकड़ा बळ ग्या अन हाराई लिलो चारो भी बळग्यो।