परकासितवाक्य 14:15 - नुवो नेम (मेवड़ी नया नियम)

¹⁵ अतराक में एक हरग-दुत मन्दर मयनेऊँ बारणे आयो अन वो वणीऊँ ज्यो वादळा पे बेट्यो तको हो, जोरऊँ हेलो पाड़न क्यो, “दाँतळी चलान हाक भेळी कर, काँके धरती की हाक पाकगी हे अन हाक भेळी करबा की टेम आगी हे।”

परकासितवाक्य 14:15 Iomraidhean Croise

मत्ती 13:30

दुयाँ ने लारे मोटा वेबा दो अन हाक काटबा की टेम में मूँ काटबावाळा केऊँ के, पेली वीं चारा ने बालबा का वाते काटी ले अन पछे खळा में गव भेळा करबा का वाते काटे।’”

मत्ती 13:39

जीं दसमण वो बीज बोयो हे वो सेतान हे। हाँक काटबा की टेम दनियाँ को अन्त हे अन हाँक काटबावाळा हरग-दुत हे।

मत्ती 23:32

ईं वाते ज्यो थाँका बड़ाबा सरू किदो, थाँ वींने पूरो करो।

मरकुस 4:29

जद्याँ धान पाक जावे, तो वो तरत वींने दाँतळीऊँ काटे, काँके हाक काटबा को टेम आग्यो हे।”

1 थिस्सुलुनिक्यों 2:16

वीं मनक जी यहूदी ने हे, वाँने बंचाबा को हव हमच्यार हुणाबा का वाते आपाँने रोके हे। अस्यान करबाऊँ वाँका पाप को घड़ो भरियो हे अन परमेसर को परकोप वाँका पे आग्यो हे।

परकासितवाक्य 11:19

ईंका केड़े परमेसर का मन्दर ने जो हरग में हे वींने खोल्यो ग्यो, अन वीं मन्दर में मने वादा वाळी पेटी दिकई दिदी। वींके केड़े विजळी चकमवा लागी अन कड़कवा की अवाज हुणई देबा लागी अन वादळा गाजबा लाग्यो, अन भूकम आबा लागो अन गड़ा पड़बा लागा।

परकासितवाक्य 13:12

वो भी पेला डरावणा जनावर का हाराई अदिकार काम में लेतो हो, अन धरती पे रेबावाळा हाराई मनकाँऊँ वीं जनावर ने ज्याँका घाव हव वेग्यो धोक देवाड़तो हो।

परकासितवाक्य 14:14

अन मूँ कई देकूँ हूँ के, मारा हामे एक धोळो वादळा हे अन वींके ऊपरे एक मनक बेट्यो तको वो मनक का पूत का जस्यान को दिकरियो हो, वणी आपणाँ माता में होना को मुकट पेर मेल्यो हो अन वींका हात में एक धार दिदी तकी दाँतळी ही।

परकासितवाक्य 14:16

तद्याँ ज्यो वादळा पे बेट्यो तको हो, वणी आपणी दाँतळी चलाई अन धरती की हाक काट लिदी गी।

परकासितवाक्य 14:17

वींके केड़े हरग में ज्यो मन्दर हो, वीं मेंऊँ एक ओरी हरग-दुत बारणे आयो, वींके नके भी एक धार दिदी तकी दाँतळी ही।

परकासितवाक्य 14:18

अतराक में एक ओरी हरग-दुत जिंने वादी पे अदिकार हो, वो वेदीऊँ निकळयो अन जिंका नके धार दिदी तकी दाँतळी ही वणीऊँ जोरऊँ हेलो पाड़न क्यो, “थाँरी धार लागी तकी दाँतळीऊँ धरती की वेलड़ीऊँ अंगूर का गुच्छा काटी ले, काँके ईंका अंगूर पाक ग्या हे।”

परकासितवाक्य 15:6

अन वींके मयनेऊँ वीं हातई हरग-दुत ज्याँका नके आकरी हात विपत्याँ ही, बारणे आया। वणा साप ऊजळा अन चमकता तका गाबा पेर मल्या हा अन आपणी छाती पे होना का पट्टा बांद मेल्या हा।

परकासितवाक्य 16:17

ईंका केड़े हातवे हरग-दुत आपणो प्यालो बईरा में उँन्धई दिदो अन मन्दर की गादीऊँ जोरकी अवाज हुणई दिदी, “हारोई खतम वेग्यो।”

परकासितवाक्य 6:10

वीं जोर-जोरऊँ हेलो पाड़रिया हा, “हो पुवितर अन हाँचा परबू, थाँ कदी न्याव करो? ईं धरती का मनकाँ को न्याव अन जणा माँने मारिया हा, वाँने कदी दण्ड देवो?”