परकासितवाक्य 14:1 - नुवो नेम (मेवड़ी नया नियम)

¹ तद्याँ में देक्यो के, मारी हामे सिय्योन मंगरी पे उन्यो ऊबो हे। वींके हाते एक लाक चमालिस हजार मनक हा, ज्याँका माता पे वींको अन वींका बापू को नाम लिक्यो तको हो।

परकासितवाक्य 14:1 Iomraidhean Croise

लूका 12:8

“मूँ थाँकाऊँ केवूँ हूँ, ज्यो कुई मनकाँ का हामे मने मान लेई वाँने मूँ मनक को पूत परमेसर का हरग-दुताँ का हामे मान लेऊँ।

रोमियों 9:33

जस्यान सास्तर केवे हे के, “हुणो, में सिय्योन में एक भाटो मेल राक्यो हूँ, ज्यो ठोकर खवाड़े हे अन एक छाँट ज्यो पाप करावे हे। पण वो ज्यो वींमें विस्वास करी, वो कदी हरमा ने मरी।”

परकासितवाक्य 14:14

अन मूँ कई देकूँ हूँ के, मारा हामे एक धोळो वादळा हे अन वींके ऊपरे एक मनक बेट्यो तको वो मनक का पूत का जस्यान को दिकरियो हो, वणी आपणाँ माता में होना को मुकट पेर मेल्यो हो अन वींका हात में एक धार दिदी तकी दाँतळी ही।

परकासितवाक्य 14:3

वीं मनक गादी का हामें, च्यारई जीवता जीव का हामे अन पुरवजाँ का हामे नुवो गीत गारिया हा। अन ईं गीत ने वीं एक लाक चमालिस हजार मनक ज्याँने धरती का बन्धनऊँ छुड़ाया ग्या हा, वाँने छोड़न कुई भी ओ गीत ने हिक सकतो हो।

परकासितवाक्य 15:5

ईंका केड़े में कई देक्यो के हरग में ज्यो मन्दर हे वींने अन वादावाळो तम्बू ने खोल्यो ग्यो।

परकासितवाक्य 22:4

वींको मुण्डो देकी अन वींको नाम वींका माता पे लिक्यो तको वेई।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 4:1

ईंका केड़े में देक्यो के हरग को बारणो खुल्यो हे अन वाँ अवाज जो मने पेल्याँ हुणई दिदी ही, रणभेरी की अवाज में बोलरी ही के, “ऊपरे अई जा, मूँ थने वीं बाताँ बताऊँ जीं आबावाळा टेम में पकी वेबावाळी हे।”

परकासितवाक्य 6:8

अन में फिका पीळा रंग को घोड़ा देक्यो। ज्यो वींपे सवार हो वींको नाम मोत हो, वींके पाछे-पाछे पाताळ हो वींने धरती का एक चोता भाग पे हक दिदो ग्यो के, वो तरवारऊँ, काळऊँ, मांदकीऊँ अन धरती का जनावराऊँ मनकाँ ने मरावे।