परकासितवाक्य 13:5 - नुवो नेम (मेवड़ी नया नियम)

⁵ वीं डरावणा जनावर ने बयालिस मिना तईं परमेसर की बेजती करबा को हक दिदा ग्यो हो, जणीऊँ वो मेपणो का हाते परमेसर की बेजती करे।

परकासितवाक्य 13:5 Iomraidhean Croise

2 थिस्सुलुनिक्यों 2:3

काँके वो दन जद्याँ तईं ने आवे तद्याँ तईं आकरी विरोद ने जावे अन पाप को मनक परगट ने वे जावे, जिंने परमेसर नास करी, ईं वाते किंके भी अन किंकी ठग-वद्‍याँ में मती आ जाज्यो।

2 थिस्सुलुनिक्यों 2:4

यो मनक हाराई ने ज्याँने ईसवर अन मूरत्याँ जोगा बोले हे, वाँका हामे वेई अन खुदाखुद ने हाराऊँ मोटो मानी, अटे तईं वो परमेसर का मन्दर में बेटन खुदाखुद ने ईसवर मानी।

2 थिस्सुलुनिक्यों 2:8

ईंका केड़े ओ पाप को मनक परगट वेई, जिंने ईसू मसी आपणाँ मुण्डा की फूँकऊँ मार नाकी अन आपणाँ पाच्छा आबा का तेजऊँ वींने बाळ नाकी।

परकासितवाक्य 11:7

जद्याँ वीं परच्यार हुणा देई, तो वो डरावणो जनावर, ज्यो पाताळ मेंऊँ निकळी, वो वाँकाऊँ लड़न वाँने मार देई।

परकासितवाक्य 12:14

पण वीं लुगई ने गरुड़ की जस्यान का दो फाकड़ा दिदा ग्या हा जणीऊँ वीं मोटा अजगर का हामेऊँ उड़न वाँ काकड़ में परी जावे, जणीऊँ हाड़ा तीन मिना तईं वींको पालण-पोसण किदो जाबावाळो हो।

परकासितवाक्य 12:6

अन वाँ लुगई हुन्ना काकड़ में भागगी। वाँ अस्यान की जगाँ हे जिंने परमेसर वींका वाते त्यार किदी, जटे वाँ एक हजार दोस्ये हाठ दनाँ तईं जीवती राकी जा सके।

परकासितवाक्य 13:7

वींने ओ हक दिदा ग्यो हो के, वो हाराई कुल का मनकाँ का, हारी बोली बोलबावाळा का, हारी जात्या का मनकाँ का हाते, लड़न वाँने हरा नाके।