परकासितवाक्य 13:4 - नुवो नेम (मेवड़ी नया नियम)

⁴ वीं मनक वीं अजगर के धोक लागबा लागग्या, काँके वणी आपणाँ हाराई अदिकार वीं डरावणा जनावर ने दे दिदा हा। पछे मनक वीं जनावर के भी धोक लागन केबा लागा, “ईं जनावर का जस्यान को कूण हे? ज्यो अणीऊँ लड़ सके?”

परकासितवाक्य 13:4 Iomraidhean Croise

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

2 थिस्सुलुनिक्यों 2:4

यो मनक हाराई ने ज्याँने ईसवर अन मूरत्याँ जोगा बोले हे, वाँका हामे वेई अन खुदाखुद ने हाराऊँ मोटो मानी, अटे तईं वो परमेसर का मन्दर में बेटन खुदाखुद ने ईसवर मानी।

परकासितवाक्य 12:3

हरगऊँ एक ओरी हेन्याण परगट व्यो, मारा हामे एक लाल रंग को मोटा अजगर ऊबो हो, वींके दस हिंगड़ा अन हात माता हा अन वणापे हात मुकट हा।

परकासितवाक्य 12:4

वणी आपणाँ पूँछऊँ फळेटो मारन आकासऊँ एक तीहाई तारा ने रेटे फेंक दिदा। अन वो वीं लुगई का हामे ज्या बाळक जनमबा वाळी ही ऊबो वेग्यो जणीऊँ जद्याँ वाँ बाळक जनमे तो वो वींने निगळजा।

परकासितवाक्य 13:11

ईंका केड़े में धरतीऊँ एक ओरी डरावणा जनावर ने बारणे निकळते तको देक्यो। वींके गारा का जस्यान का दो हिंगड़ा हा, पण वींकी बोली अजगर की जस्यान की ही।

परकासितवाक्य 13:15

वींने दूजाँ वीं पेला डरावणा जनावर की मूरती में जीव नाकबा को हक दिदो ग्यो हो, जणीऊँ वाँ मूरती बोलबा लागे। वीं मूरत के जतरा भी मनक धोग ने लागी, वाँने वो मरवा देई।

परकासितवाक्य 13:2

में जणी जनावर ने देक्यो हो, वो दिकबा में तो चीता का जस्यान को हो, पण वींका पग रिसड़ा का जस्यान का अन मुण्डो नार की जस्यान को हो। अन वणी अजगर वींने आपणी गादी अन आपणाँ हाराई अदिकार, तागत हूँप दिदी।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”

परकासितवाक्य 18:18

जद्याँ वीं वणी नगर ने बळता तका अन वीं मेंऊँ धूवा उटतो तको देक्यो तद्याँ वीं जोरऊँ केबा लागा, ‘ईं मोटा नगर का जस्यान कस्यो ओरी नगर हे?’

परकासितवाक्य 9:20

पछे वीं मनक जो वाँकी मारऊँ बचग्या हा, वणा आपणाँ मन ने ने बदल्यो, पण वीं तो हुगली आत्मा, होना, चाँदी, पीतळ, भाटा अन कांस्या की मूरताँ के, जीं ने बोल सके हे, ने देक सके हे, अन ने चाल सके अन ने हुणन सके, वाँके धोक लागणो ने छोड़्यो।