परकासितवाक्य 13:2 - नुवो नेम (मेवड़ी नया नियम)

² में जणी जनावर ने देक्यो हो, वो दिकबा में तो चीता का जस्यान को हो, पण वींका पग रिसड़ा का जस्यान का अन मुण्डो नार की जस्यान को हो। अन वणी अजगर वींने आपणी गादी अन आपणाँ हाराई अदिकार, तागत हूँप दिदी।

परकासितवाक्य 13:2 Iomraidhean Croise

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

परकासितवाक्य 12:13

जद्याँ वणी मोटे अजगर देक्यो के, मने धरती पे फेंक दिदो ग्यो हे तो वो वीं लुगई का पाच्छे पड़ग्यो, जणी छोरा ने जनम दिदो हो।

परकासितवाक्य 12:15

तो वो मोटो अजगर वीं लुगई का पाच्छे आपणाँ मुण्डाऊँ नंदी का जस्यान पाणी निकाळ्यो, जणीऊँ वाँ वींके मयने वेन डुबन मर जावे।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 13:12

वो भी पेला डरावणा जनावर का हाराई अदिकार काम में लेतो हो, अन धरती पे रेबावाळा हाराई मनकाँऊँ वीं जनावर ने ज्याँका घाव हव वेग्यो धोक देवाड़तो हो।

परकासितवाक्य 13:4

वीं मनक वीं अजगर के धोक लागबा लागग्या, काँके वणी आपणाँ हाराई अदिकार वीं डरावणा जनावर ने दे दिदा हा। पछे मनक वीं जनावर के भी धोक लागन केबा लागा, “ईं जनावर का जस्यान को कूण हे? ज्यो अणीऊँ लड़ सके?”

परकासितवाक्य 16:10

वींके केड़े पाँचवे हरग-दुत आपणो प्यालो वीं डरावणा जनावर की गादी पे उँन्धई दिदो, जणीऊँ वींका राज-दरबार में अदंकार वेग्यो। घणा दुक की वजेऊँ वटा का मनक आपणी जीब के बटका भर लिदा।

परकासितवाक्य 17:12

“जी दस हिंगड़ा थें देक्या हे, वीं भी दस राजा ने दिकावे हे, पण वाँने आलतरे तईं राज-दरबार ने मल्यो। पण वाँने डरावणा जनावर का हाते थोड़ीक टेम का वाते राज करबा को हक दिदो जाई।

परकासितवाक्य 19:20

वीं डरावणा जनावर ने अन वींके हाते जूटी आगेवाणी करबावाळा जी हेन्याण चमत्कार बतान वणा मनकाँ ने ज्यापे वीं जनावर की मोर लगई ही अन वींकी मूरत ने पुजा करता हा, वाँने पकड़ लिदा। वणा दुया ने वीं वादी की बळता तका नरक का कुण्ड में जीवताई नाक दिदा ग्या।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 20:2

वो वीं अजगर ने ज्या पुराणो हाँप ज्यो इबलिस अन सेतान केवातो हो, वींने पकड़न एक हजार वर का वाते हाँकळऊँ बांद दिदो।