परकासितवाक्य 12:4 - नुवो नेम (मेवड़ी नया नियम)

⁴ वणी आपणाँ पूँछऊँ फळेटो मारन आकासऊँ एक तीहाई तारा ने रेटे फेंक दिदा। अन वो वीं लुगई का हामे ज्या बाळक जनमबा वाळी ही ऊबो वेग्यो जणीऊँ जद्याँ वाँ बाळक जनमे तो वो वींने निगळजा।

परकासितवाक्य 12:4 Iomraidhean Croise

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

परकासितवाक्य 12:7

ईंका केड़े हरग में लड़ई सरू वेगी जिंमें मुक्यो मीकाईल हरग-दुत अन वींका हरग-दुत अन वीं मोटा अजगर का बचमें लड़ई वीं अन वो अजगर भी वींके दुताँ का हाते लड़्यो।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 13:2

में जणी जनावर ने देक्यो हो, वो दिकबा में तो चीता का जस्यान को हो, पण वींका पग रिसड़ा का जस्यान का अन मुण्डो नार की जस्यान को हो। अन वणी अजगर वींने आपणी गादी अन आपणाँ हाराई अदिकार, तागत हूँप दिदी।

परकासितवाक्य 13:4

वीं मनक वीं अजगर के धोक लागबा लागग्या, काँके वणी आपणाँ हाराई अदिकार वीं डरावणा जनावर ने दे दिदा हा। पछे मनक वीं जनावर के भी धोक लागन केबा लागा, “ईं जनावर का जस्यान को कूण हे? ज्यो अणीऊँ लड़ सके?”

परकासितवाक्य 16:13

ईंका केड़े मूँ कई देकूँ हूँ के, वीं मोटा अजगर का मुण्डाऊँ अन वीं डरावणा जनावर का मुण्डाऊँ अन वींका परमेसर की आड़ीऊँ जूट बोलबावाळा का मुण्डाऊँ तीन हुगली आत्मा निकळी, वीं डेड़का की जस्यान दिकरी ही।

परकासितवाक्य 17:18

जीं लुगई ने थें देकी ही, या वीं मोटा नगर ने बतावे, ज्यो धरती का राजा पे राज करे हे।”

परकासितवाक्य 20:2

वो वीं अजगर ने ज्या पुराणो हाँप ज्यो इबलिस अन सेतान केवातो हो, वींने पकड़न एक हजार वर का वाते हाँकळऊँ बांद दिदो।

परकासितवाक्य 8:10

जद्याँ तीजे हरग-दुत रणभेरी बजई तो आकास मेंऊँ एक मसाळ की जस्यान बळतो तको तारो नंद्‍याँ अन पाणी का जरणा पे पड़्यो।

परकासितवाक्य 8:11

ईं तारा को नाम नागदोना हो, जिंका वजेऊँ एक तीहाई पाणी नागदोना में बदलग्यो अन कड़वो वेग्यो, जिंने पिवाऊँ घणा मनक मरग्या।

परकासितवाक्य 8:12

जद्याँ चोते हरग-दुत रणभेरी बजई, तो एक तीहाई सुरज, चाँद अन तारा पे विपती आई। ईं वजेऊँ वाँको एक तीहाई भाग काळो पड़ग्यो। जिंका वजेऊँ एक तीहाई दन अन रात में अन्दारो वेग्यो।

परकासितवाक्य 8:7

पेले हरग-दुत जस्यानी रणभेरी बजई, वस्यानई लुई वाळा गड़ा अन वादी दिकई दिदी अन वाँने धरती पे फेंक दिदा। जणीऊँ धरती को एक तीहाई भाग बळग्यो। एक तीहाई रूँकड़ा बळ ग्या अन हाराई लिलो चारो भी बळग्यो।

परकासितवाक्य 8:8

वींके केड़े दूजे हरग-दुत रणभेरी बजई, तो मानो एक बळता तका मंगरा ने समन्द का मयने फेंक दिदो ग्यो हो, जणीऊँ समन्द को एक तीहाई पाणी लुई बणग्यो।

परकासितवाक्य 8:9

जिंका वजेऊँ समन्द की एक तीहाई जीव-जनावर मरग्या अन एक तीहाई जाँज भी नास वेग्या।

परकासितवाक्य 9:10

वाँकी पुछ अस्यान लागरिया ही, जस्यान विच्छु का डंक वे। वाँने पाँच मिना तईं मनकाँ ने दुक देबा का वाते तागत दिदी गी ही।

परकासितवाक्य 9:19

वणा घोड़ा की तागत मुण्डा अन पुछ में ही काँके वाँकी पुछ हाँप का जस्यान ही, अन वाँकी पुछ के, मातो भी हो, जणीऊँ मनकाँ ने दुक दिदो जारियो हो।