परकासितवाक्य 12:11 - नुवो नेम (मेवड़ी नया नियम)

¹¹ वणाऊँ उन्याँ का लुईऊँ अन खुद की गवई की वजेऊँ वींने हरा दिदो हो, वणी आपणो जीव को भी होच ने किदो अन मोत ने जेल लिदी।

परकासितवाक्य 12:11 Iomraidhean Croise

लूका 14:26

“यद्याँ कुई मारा पाच्छे आवे अन आपणाँ बई-बापू, लुगई अन छोरा-छोरी अन भई-बेन अन अटा तईं आपणाँ जीव ने भी माराऊँ प्यारो माने, तो वो मारो चेलो ने बण सके हे।

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 21:13

पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।

रोमियों 16:20

सान्ती देबावाळा परमेसर वेगोई सेतान ने थाँका पगा का रेटे नाक देई। आपणाँ परबू ईसू की दया थाँका पे वेवे।

1 कुरिन्थियों 15:57

पण परमेसर को धन्नेवाद वे के, वणा आपाँने परबू ईसू मसीऊँ मोत पे जीत देवाड़ी हे।

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

1 यहुन्ना 5:5

ज्यो भी ओ विस्वास करे हे के, ईसू मसीइस परमेसर को बेटा हे, वो अणी दनियाँ ने जीत लेवे हे।

परकासितवाक्य 1:2

यहुन्ने जो कई भी दरसावो देक्यो हो, वींके बारा में बतायो। अन यो वो हाँच हे जो ईसू मसी बतायो हो ओ परमेसर की आड़ीऊँ आयो तको संदेस हे।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।

परकासितवाक्य 11:7

जद्याँ वीं परच्यार हुणा देई, तो वो डरावणो जनावर, ज्यो पाताळ मेंऊँ निकळी, वो वाँकाऊँ लड़न वाँने मार देई।

परकासितवाक्य 12:17

तो वो अजगर वीं लुगई पे गुस्सा में आग्यो, अन वो वीं लुगई का वाँ मनकाँ पे जी परमेसर की आग्या मान्याँ करता हा अन ईसू मसी की गवई देता हा वाँकाऊँ लड़बा का वाते निकळग्यो।

परकासितवाक्य 19:10

तद्याँ मूँ वींकी जे-जेकार करतो तको वीं हरग-दुत का आगे धोक लाग्यो। पण वणी माराऊँ क्यो, “अस्यान मती करे! काँके मूँ तो थाँरो अन थाँरी हण्डाळ्याँ का हाते परमेसर को दास हूँ। जणापे ईसू मसी की गवई देबा की जिमेदारी हे। थूँ परमेसर के धोक लाग, काँके ईसू मसी की गवई आगेवाणी की आत्मा हे।”

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 2:17

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती, मूँ वाँने हरग में हपायो तको मन्नो देऊँ। मूँ वाँने एक धोळो भाटो भी देऊँ, जिंका ऊपरे एक नुवो नाम लिक्यो तको वेई। वो नाम वीं मनक का छोड़न कुई ने जाणी, जिंने वो दिदो जाई।

परकासितवाक्य 2:26

ज्यो भी जिती अन जणा बाताँ ने मानबा को हुकम में दिदो हो, वींने आकरी हुदी मानी, वणा मनकाँ ने मूँ जात्या पे हक चलाबा को अदिकार देऊँ।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।

परकासितवाक्य 20:4

तद्याँ में थोड़ाक गाद्‍याँ देकी, वींपे मनक बेट्या तका हा, वाँने न्याव करबा को हक दिदो ग्यो हो। अन में वणा मनकाँ की आत्मा भी देकी ज्याँका माता ईसू मसी की गवई देबा के अन परमेसर को बचन हुणाबा की वजेऊँ काट्या ग्या हा, अन वणा मनकाँ ने ज्यो भी जनावर की अन वींकी मूरत ने पूँजी अन ने वींकी मोर ने आपणाँ माता अन हात में लगई ही। वीं मनक जीवता वेन एक हजार वर का वाते मसी का हाते एक हजार वरा तईं राज करतो रियो।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।

परकासितवाक्य 3:5

ज्यो भी जिती, वीं अस्याईस धोळा गाबा पेरी। मूँ जीवन की किताब मेंऊँ वाँका नामने ने वगाड़ूँ, पण वाँका नाम ने बापू परमेसर अन वींका हरग दुताँ का हामे मान लेऊँ के, ईं मारा हे।

परकासितवाक्य 6:9

वींके केड़े उन्ये पाँचवी मोर खोली, तो में वेदी का रेटे वणा मनकाँ की आत्मा देकी, ज्याँने हव हमच्यार अन गवई देबा अन हुणबा की वजेऊँ मार दिदा ग्या हा।