परकासितवाक्य 11:19 - नुवो नेम (मेवड़ी नया नियम)

¹⁹ ईंका केड़े परमेसर का मन्दर ने जो हरग में हे वींने खोल्यो ग्यो, अन वीं मन्दर में मने वादा वाळी पेटी दिकई दिदी। वींके केड़े विजळी चकमवा लागी अन कड़कवा की अवाज हुणई देबा लागी अन वादळा गाजबा लाग्यो, अन भूकम आबा लागो अन गड़ा पड़बा लागा।

परकासितवाक्य 11:19 Iomraidhean Croise

परकासितवाक्य 11:13

वीं टेम में एक जोरऊँ भूकम आयो, जणीऊँ नगर को दसमो भाग धड़ी ग्यो, अन वीं भूकमऊँ हात हजार मनक मरग्या, बाकी मनक दरपग्या अन वणा हरग का परमेसर की मेमा किदी।

परकासितवाक्य 11:15

हातवे दूत जद्याँ रणभेरी बजई, तो हरगऊँ जोरकी अवाज अई के, “अबे ईं धरती पे परबू अन वींका मसी को राज हे। अन वीं जुग-जुग तईं राज करी।”

परकासितवाक्य 12:1

ईंका केड़े आकास में एक मोटो हेन्याण परगट व्यो, एक लुगई दिकई दिदी वणी सुरज ने धारण कर मेल्यो हो अन चाँद वींके पगा का रेटे हो। वींके माता पे मुकट हो, जिंका ऊपरे बारा तारा जड़या तका हा।

परकासितवाक्य 16:1

तद्याँ में हुण्यो के, वाँ हातई हरग-दुताँ ने मन्दर मेंऊँ कुई जोरऊँ अवाज देन केरियो हो, “जावो अन अणा परमेसर का कोप का हातई प्याला ने धरती पे उँन्धई दो।”

परकासितवाक्य 16:18

तद्याँ विजळी कड़कवा लागी, वादळा गाजबा लागा अन जोरको भूकम आयो अस्यान को जोरको भूकम आयो, जो पेल्याँ धरती पे कदी ने आयो।

परकासितवाक्य 16:21

आकासऊँ मण-मण का गड़ा मनकाँ पे पड़रिया हा। अन ईं विपती की टेम की वजेऊँ मनक परमेसर को अपमान किदो, काँके या घणी जोरकी विपती ही।

परकासितवाक्य 19:11

तद्याँ में हरग ने खुल्यो देक्यो अन वटे कई देकूँ हूँ के, एक धोळो घोड़ा हे। अन वींके ऊपरे ज्या सवार हे वो विस्वास जोगो अन हाँचो हे, काँके वो हाँच का हाते न्याव को फेसलो अन लड़ई करतो हो।

परकासितवाक्य 4:1

ईंका केड़े में देक्यो के हरग को बारणो खुल्यो हे अन वाँ अवाज जो मने पेल्याँ हुणई दिदी ही, रणभेरी की अवाज में बोलरी ही के, “ऊपरे अई जा, मूँ थने वीं बाताँ बताऊँ जीं आबावाळा टेम में पकी वेबावाळी हे।”

परकासितवाक्य 4:5

अन वीं गादी मेंऊँ विजळी अन वादळा के गाजबा की अवाज आरी ही। गाद्दी का हामे हात मसाळ चालरी ही, ईं मसाळ परमेसर की हात आत्मा हे।

परकासितवाक्य 7:15

ईं वजेऊँ ईं परमेसर का गादी का हामे ऊबा हे अन वाँके मन्दर में रात-दन वाँकी भगती करता रेवे हे, ईं वाते ज्यो गादी पे बेट्या तका हे वो वाँका में वास करतो तको वाँने बंचाई।

परकासितवाक्य 8:5

हरग-दुत धुपदानऊँ वेदी की वादी लेन धरती पे फेंक दिदी, तो वादळा में गाजबा लागो अन विजळी चाली अन भूकम आयो।

परकासितवाक्य 8:7

पेले हरग-दुत जस्यानी रणभेरी बजई, वस्यानई लुई वाळा गड़ा अन वादी दिकई दिदी अन वाँने धरती पे फेंक दिदा। जणीऊँ धरती को एक तीहाई भाग बळग्यो। एक तीहाई रूँकड़ा बळ ग्या अन हाराई लिलो चारो भी बळग्यो।