परकासितवाक्य 11:18 - नुवो नेम (मेवड़ी नया नियम)

¹⁸ जो यहूदी ने हे वीं मनक गुस्सा में हा पण अबे थाँके गुस्सा को टेम अन न्याव करबा को टेम आग्यो जणीऊँ मरिया तका को न्याव किदो जाई। अन थाँरा भगताँ को, थाँकी आड़ीऊँ बोलबावाळा को अन वाँको जी थाँका नाम की दरपणी राक्या करे हे, बदलो लिदो जाई। अन धरती ने खराब करबावाळा को नास किदो जाई।”

परकासितवाक्य 11:18 Iomraidhean Croise

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 1:50

वाँको मान करबावाळा पे वाँकी दया पिड़ीऊँ पीड़ी रेवे हे।

इब्रानियों 9:27

जस्यान मनकाँ का वाते एक दाण मरणो अन वींका केड़े न्याव वेणो पको हे।

परकासितवाक्य 10:7

पण जद्याँ हातवे हरग-दुत को रणभेरी बजाबा को टेम आई, तो परमेसर की वाँ बात जीं छाने हे पुरी वेई, जिंने वीं आपणाँ दासा अन परमेसर का आड़ीऊँ बोलबावाळा बतई ही।

परकासितवाक्य 11:2

पण मन्दर की चार दिवारी की जगाँ ने मती नापज्ये, काँके ओ जो यहूदी ने हे वणा मनकाँ ने दिदो ग्यो। वीं बयालिस मिना तईं आपणाँ पगाँऊँ वीं पुवितर नगर ने गूंदी।

परकासितवाक्य 13:10

जिंने जेळ में जाणो हे वो जाई, ज्यो भी तरवारऊँ मारी, पाको हे वो भी तरवारऊँस मारियो जाई। खरा अन धिज्यो राकबावाळा मनकाँ को ओईस विस्वास हे।

परकासितवाक्य 13:16

वणी फोरा अन मोटा, पलई रिप्यावाळा, पलई गरीब, पलई मालिक पलई नोकर हाराई का माता अन जीमणा हात पे एक छाप लगाबा का वाते मजबूर कर दिदा।

परकासितवाक्य 14:10

तद्याँ वो परमेसर का गुस्सा का दाकरस ज्या वाँका गुस्साऊँ प्याला में गाळ्यो ग्यो हे, वींने पीई अन पुवितर हरग-दुताँ हामे अन उन्याँ का हामे वादी अन तेजाब का दुक में पड़ी।

परकासितवाक्य 15:1

ईंका केड़े में हरग में एक ओरी अचम्बो करबावाळो हेन्याण देक्यो, में कई देक्यो के, हात हरग-दुत हे अन वाँके नके हात विपत्याँ ही। काँके ईं आकरी नास के पूरो व्या केड़े परमेसर को गुस्सा को भी अंत वे जाई।

परकासितवाक्य 15:7

तद्याँ वीं च्यारई जीवता जीव मेंऊँ एक जणे वणा हातई हरग दुताँ ने अमर परमेसर का गुस्साऊँ भरिया तका होना का प्याला दिदा।

परकासितवाक्य 18:6

थाँ वींके हाते वस्यानीस वेवार करो, जस्यान वणा थाँका हाते वेवार किदो हे। ज्यो वणा थाँका हाते किदो हे, वणीऊँ दो गुणा वाँका हाते करो, ज्यो प्यालो भरन थाँने दिदो ग्यो हो, वींने दो गुणा भरन पाछो वींने दो।

परकासितवाक्य 19:15

पापी ने मारबा का वाते वींके मुण्डाऊँ एक तीकी तरवारऊँ बारणे निकळरी ही। वो लोड़ा की लाटी की जोर पे वाँका पे राज करी अन सर्वसक्‍तिमान परमेसर की गुस्सा की सुल में वाँने अस्यान गूंदी जस्यान अंगूर ने कुण्ड में गुँदे।

परकासितवाक्य 19:18

जणीऊँ थाँ राजावो को, सपायाँ को, तागतवर मनकाँ को, घोड़ा को अन वणापे सवार मनकाँ को, फोरा को मोटा को, दासा को छुटकारो पाया तका मनकाँ को माँस खा सको।

परकासितवाक्य 19:5

तद्याँ पाच्छी वीं गादीऊँ अवाज अई, “हो मनकाँ थाँ ज्यो परमेसरऊँ दरपो हो थाँ पलई फोरा वो पलई मोटा वींकी जे-जेकार करो।”

परकासितवाक्य 20:12

वींके केड़े में फोराऊँ लेन मोटा तईं का हाराई मरिया तका मनकाँ ने वीं गादी का हामे ऊबा तका देक्यो, अन थोड़ीक पोत्याँ खोली गी वणाके केड़े एक ओरी पोती खोली गी, याईस “जीवन की पोती हे।” वाँके करमा का जस्यान ज्या ईं पोती में लिक्या ग्या हा, मरिया तका को न्याव किदो ग्यो हो।

परकासितवाक्य 20:15

जिंको भी नाम “जीवन की पोती” में लिक्यो तको ने मल्यो, वींने भी वादी का कुण्ड में नाक दिदो ग्यो।

परकासितवाक्य 22:12

ईसू क्यो, “हुणो, मूँ पगईं आबावाळो हूँ अन आपणाँ हाते थाँका वाते फळ लेन आरियो हूँ, जणी जस्या करम किदा हे वींने वींके करमा का जस्यान फळ देऊँ।