परकासितवाक्य 11:17 - नुवो नेम (मेवड़ी नया नियम)

¹⁷ अन बोलबा लागा, “हाराऊँ जोरावर परबू परमेसर हे, जीं अबाणू हे अन जीं हमेस्या हा, माँ थाँको धन्नेवाद करा हा। थाँ सरूऊँ थाँकी तागतऊँ राज करणो सरू किदो हो।

परकासितवाक्य 11:17 Iomraidhean Croise

मत्ती 11:25

वीं दाण ईसू क्यो, “हो परम बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने ग्यानी अन स्याणाऊँ हपान राकी अन भोळा मनकाँ पे परगट किदी हे।

लूका 10:21

वणी दाण ईसू पुवितर आत्माऊँ भरन खुसीऊँ राजी वेग्या अन क्यो, “ओ बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने अकलमन्दाऊँ अन हमजदाराऊँ हपान राकी अन बाळकाँ का ऊपरे परगट किदी। ओ परबू जी, काँके अस्यान थाँने बड़िया लागे हे।”

यहुन्ना 11:41

तद्याँ वाँकाणी वीं भाटा ने छेटी किदो। पसे ईसू ऊपरे देकन क्यो, “हो बापू परमेसर, मूँ थाँको धन्नेवाद करूँ हूँ, काँके थाँ मारी हूणी हे।

2 कुरिन्थियों 2:14

परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

2 कुरिन्थियों 9:15

परमेसर का वणी वरदान का वाते वींको धन्नेवाद वे, जिंको बखाण ने करियो जा सके हे।

1 तिमुतियूस 1:12

मूँ आपणाँ परबू ईसू मसी जणा मने तागत दिदी हे वींको गुणगान करूँ हूँ, काँके वणा मने विस्वास जोगो हमजन मने आपणी सेवा वाते चुण्यो हे।

परकासितवाक्य 1:4

मूँ यहुन्नो आसिया परदेस की हात मण्डळ्याँ का नाम यो लिकरियो हूँ, जी परमेसर का आड़ीऊँ अबाणू हे, जीं हमेस्यान हे अन ज्यो आबावाळो हे, वाँ हात आत्मा का आड़ीऊँ जीं वींके गाद्दी का हामे हे। अन ईसू मसी का आड़ीऊँ ज्यो विस्वास जोगो अन मरिया तका मेंऊँ जीवतो वेबावाळा मेंऊँ पेलो हे, अन ईं धरती का राजा पे हाकम हे। ज्यो आपणाँऊँ परेम करे हे। अन वणी आपणाँ खुनऊँ आपाँने पापऊँ छुटकारो दिदो हे, वीं ईसू मसी का आड़ीऊँ, थाँका पे दया, सक अन सान्ती वेती रेवे।

परकासितवाक्य 1:8

परबू परमेसर जीं हा, अन जीं हमेस्यान हे, जीं आबावाळा हे, जीं हाराईऊँ तागतवर हे, वीं केवे हे के, “मूँईस अलफा अन ओमेगा हूँ।”

परकासितवाक्य 11:15

हातवे दूत जद्याँ रणभेरी बजई, तो हरगऊँ जोरकी अवाज अई के, “अबे ईं धरती पे परबू अन वींका मसी को राज हे। अन वीं जुग-जुग तईं राज करी।”

परकासितवाक्य 15:3

वीं मनक परमेसर का दास मूसा अन उन्याँ का गीत गारिया हा, “वीं घणा मोटा काम हे ज्याँने थाँ करता रेवो हो। थाँका काम अचम्बा का हे अन थाँकी तागत जुग-जुग तईं हे। परबू परमेसर, थाँको गेलो हाँचो अन धरम का कामाँऊँ भरियो हे, थाँ हारी जात्या का राजा हो।

परकासितवाक्य 16:14

ईं सेतान की आत्मा ही, वणामें चमत्कार करबा की तागत ही। अन ईं हाराई दनियाँ का राजा ने भेळा करबा का वाते चालन पड़ी, जणीऊँ वीं हाराई राजा ने परमेसर का हामे लड़बा का वाते आकरी दन भेळा करे।

परकासितवाक्य 16:5

तद्याँ में पाणी पे अदिकार राकबावाळा हरग-दुत ने ओ बोलते तके हुण्यो, “हो पुवितर, थाँ हा अन थाँ ज्यो हमेस्यान हो थाँईस न्याव किदो हे।

परकासितवाक्य 16:7

वींके केड़े में वेदीऊँ अवाज हूणी, “हो, सर्वसक्‍तिमान परबू परमेसर, थाँ हाँचो अन खरो न्याव किदो हे।”

परकासितवाक्य 18:8

ईं वजेऊँ वींपे एक दन मेंईस विपती का जस्यान के दक, काळ, मोत आ पड़ी। अन वादी वींने बाल देई। काँके सर्वसक्‍तिमान परबू परमेसर, वींको न्याव करबावाळो हे।

परकासितवाक्य 19:11

तद्याँ में हरग ने खुल्यो देक्यो अन वटे कई देकूँ हूँ के, एक धोळो घोड़ा हे। अन वींके ऊपरे ज्या सवार हे वो विस्वास जोगो अन हाँचो हे, काँके वो हाँच का हाते न्याव को फेसलो अन लड़ई करतो हो।

परकासितवाक्य 19:6

ईंका केड़े में पाछो घणा हाराई मनकाँ की भीड़ की अवाज हूणी ओ अस्यान लागरिया हो जस्यान के पाणी की जरणा वे कन जस्यान वादळा की गाजबा की अवाज वेवे। वीं मनक गारिया हा, “हलेलुय्या! आपणाँ परबू परमेसर की जे हो! काँके सर्वसक्‍तिमान परमेसर राज करे हे।