परकासितवाक्य 10:6 - नुवो नेम (मेवड़ी नया नियम)

⁶ वणी हरग-दुत वीं परमेसर की जो हरग, धरती अन समन्द में अन वणाके मयने जो चिजाँ हे वणा हाराई ने बणई हे वाँकी होगन खान क्यो, अबे ओरी मोड़ो ने वेई।

परकासितवाक्य 10:6 Iomraidhean Croise

परकासितवाक्य 1:18

मूँ वोईस हूँ, जिंका नके जीवन हे। पेल्याँ मूँ मरग्यो हो, पण अबे देक, मूँ जुग-जुग वाते जीवतो हूँ। मोत अन पाताळ की चाब्याँ मारा नके हे।

परकासितवाक्य 12:12

ईं वाते, हो हरग में रेबावाळा, खुसी मनावो। पण धिकार हे धरती अन समन्द पे, थाँके हाते कतरो बुरो वेई, काँके थाँका पे सेतान उतरग्यो हे, वो गुस्साऊँ रातो-पिळो वेरियो हे। वो जाणे हे के, वींके नके थोड़ोक टेम बच्यो हे।”

परकासितवाक्य 16:17

ईंका केड़े हातवे हरग-दुत आपणो प्यालो बईरा में उँन्धई दिदो अन मन्दर की गादीऊँ जोरकी अवाज हुणई दिदी, “हारोई खतम वेग्यो।”

परकासितवाक्य 21:6

पछे वणी माराऊँ क्यो, “ईं बाताँ पुरी वेगी हे। मूँ अलफा अन ओमेगा, सरुआत अन अन्त हूँ। मूँ तरियाँ ने जीवन का पाणी का सोताऊँ फोकट में पाणी पाऊँ।

परकासितवाक्य 4:10

तो वीं चोवीस पुरवज ज्यो गादी पे बेट्यो तको अमर हे, वींका पगा में धोक खान भगती कररिया हा, वीं आपणाँ मुकट उतारन बोलता हा के,

परकासितवाक्य 4:11

“हो माकाँ परबू अन माकाँ परमेसर! थाँईस मेमा, अन मान अन सामरत जोगा हो, काँके थाँईस हारी चिजाँ ने बणई हे। थाँकी मरजीऊँईस हारी चिजाँ बणईगी हे अन जीवे हे।”

परकासितवाक्य 4:9

जद्याँ जीवता जीव गाद्‍याँ पे बेट्या तका, जीं अमर हे वींकी मेमा अन धन्नेवाद करता हा,

परकासितवाक्य 6:11

वाँ हाराई ने धोळा चोळो पेरायो ग्यो हो अन वाँने क्यो ग्यो हो के, “थोड़ीक टेम ओरी वाट नाळो, जद्याँ तईं थाँकी हण्डाळ्याँ की गणती पुरी ने करी जावे, ज्याँने थाँकी जस्यान मारिया जाई।”