परकासितवाक्य 1:9 - नुवो नेम (मेवड़ी नया नियम)9 मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो। Faic an caibideil |
परकासितवाक्य 1:9
35 Iomraidhean Croise
आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।
मूँ यहुन्नो आसिया परदेस की हात मण्डळ्याँ का नाम यो लिकरियो हूँ, जी परमेसर का आड़ीऊँ अबाणू हे, जीं हमेस्यान हे अन ज्यो आबावाळो हे, वाँ हात आत्मा का आड़ीऊँ जीं वींके गाद्दी का हामे हे। अन ईसू मसी का आड़ीऊँ ज्यो विस्वास जोगो अन मरिया तका मेंऊँ जीवतो वेबावाळा मेंऊँ पेलो हे, अन ईं धरती का राजा पे हाकम हे। ज्यो आपणाँऊँ परेम करे हे। अन वणी आपणाँ खुनऊँ आपाँने पापऊँ छुटकारो दिदो हे, वीं ईसू मसी का आड़ीऊँ, थाँका पे दया, सक अन सान्ती वेती रेवे।
तद्याँ में थोड़ाक गाद्याँ देकी, वींपे मनक बेट्या तका हा, वाँने न्याव करबा को हक दिदो ग्यो हो। अन में वणा मनकाँ की आत्मा भी देकी ज्याँका माता ईसू मसी की गवई देबा के अन परमेसर को बचन हुणाबा की वजेऊँ काट्या ग्या हा, अन वणा मनकाँ ने ज्यो भी जनावर की अन वींकी मूरत ने पूँजी अन ने वींकी मोर ने आपणाँ माता अन हात में लगई ही। वीं मनक जीवता वेन एक हजार वर का वाते मसी का हाते एक हजार वरा तईं राज करतो रियो।
Sanasan