परकासितवाक्य 1:7 - नुवो नेम (मेवड़ी नया नियम)

⁷ देको, वो वादळा का हाते आबावाळो हे अन वींने हाराई आपणी आक्याँऊँ अन वीं मनक भी जणा वींने दुक दिदो हो देकी। अन धरती का हाराई मनक वाँके वजेऊँ रोई। अस्यान पाको हे के, यो वेई, आमीन।

परकासितवाक्य 1:7 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 16:28

मूँ थाँने हाचेई केवूँ हूँ के, ज्यो अटे ऊबा हे, वाँका मूँ कुई अस्या हे के, वीं जद्याँ तईं मनक का पूत ने वींका राज में आता तका ने देक लेई, जद्याँ तईं वाँने मोत ने आई।”

मत्ती 24:30

“वीं टेम मनक का पूत का आबा को हेन्याण आकास में परगट वेई। तद्याँ धरती पे हारी जाता का मनक हाका-भार करी अन मनक का पूत ने तागत अन मेमा का हाते हरग का वादळा पे परगट वेता देको।

मत्ती 25:31

“जद्याँ मनक को पूत आपणी मेमा में आई अन हाराई हरग-दुत वींका हाते आई, तो वो आपणी मेमा की राजगाद्दी पे बिराजी।

मत्ती 26:64

ईसू वाँने क्यो, “थें खुदई के दिदो, पण मूँ थाँकाऊँ ओ भी केवूँ हूँ के, अबेऊँ थाँ मनक का पूत ने मेमावान परमेसर का जीमणा पाल्ड़े बेट्यो तको अन आकास का वादळा पे आतो तको देको।”

मरकुस 13:26

तद्याँ लोग, मनक का पूत ने सगती अन घणी मेमा के लारे बादळा में आता तका देकी।

मरकुस 14:62

ईसू बोल्यो, “मूँ हूँ, थें मनक का पूत ने, वीं सगतीवान का जीमणा पाल्ड़े बेटो अन हरगऊँ आता तका बादळा में देको।”

लूका 21:27

ईंका केड़े लोग मूँ मनक का पूत ने आपणी तागत का हाते अन मोटी मेमा का हाते वादळा पे आता तका देकी।

यहुन्ना 19:34

अन वणा सपायाँ मेंऊँ एक जणे वाँकी पाळी में भालो घुसा दिदो अन जणीऊँ तरत लुई अन पाणी निकळ्यो।

यहुन्ना 19:37

पछे एक ओरी दूजी जगाँ ओ लिक्यो हे के, “जणी वींके भालो घुसायो हे, वींने वीं देकी।”

1 थिस्सुलुनिक्यों 1:10

अन परमेसर का बेटा ईसू मसी के हरगऊँ पाच्छा आबा की वाट नाळता रेवो, जिंने वणा मरिया तका मेंऊँ पाच्छा जीवतो किदो हो, अन वींइस आपाँने परमेसर की आबावाळी रीसऊँ बंचावे हे।

1 थिस्सुलुनिक्यों 4:17

ईंका केड़े आपाँने ज्यो जीवता अन बच्या तका हाँ, वाँका हाते वादळा में परबूऊँ हवा में मलबा वाते ऊपरे उठा लिदा जावा। अस्यान आपाँ हमेस्यान परबू का हाते रेवा।

इब्रानियों 10:29

थाँ होचो के, वो मनक कतरो दण्ड भोगी, जणी आपणाँ पगा का रेटे परमेसर का बेटा ने गूँन्दयो हे, अन वो वणी करार का पुवितर लुई जणीऊँ वो पुवितर किदो हो वो वींने एक अपुवितर मान्यो हे अन वणी दया करबावाळी आत्मा को भी अपमान किदो हे।

इब्रानियों 6:6

यद्याँ ईं मनक भटक जावे, तो अणाको मन फेरान पाच्छा परमेसर का गेला पे लाणा घणा अबका हे। काँके ईं परमेसर का बेटा ने आपणाँ वाते पाछो हूळी पे चड़ावे हे अन वींने परगट करन वींको अपमान करे हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

यहूदा 1:14

अणा मनकाँ का वाते हनोक ज्यो आदम की हातवी पीड़ी मेंऊँ हो, वो परमेसर का आड़ीऊँ बोल्यो हो के, “देको, परबू आपणाँ हजारो हजारो हरग-दुताँ का हाते आन,

परकासितवाक्य 22:20

ईसू जी अणा बाताँ का गवा हे, वीं केवे हे, “हाँ! मूँ पगई आबावाळो हूँ।” आमीन। हे परबू ईसू आ।

परकासितवाक्य 22:4

वींको मुण्डो देकी अन वींको नाम वींका माता पे लिक्यो तको वेई।