परकासितवाक्य 1:6 - नुवो नेम (मेवड़ी नया नियम)

⁶ वणी आपाँने राज करबावाळा अन बापू परमेसर की सेवा करबा वाते याजक बणाया हे। वाँकी मेमा अन तागत जुग-जुग वेती रेवे। आमीन।

परकासितवाक्य 1:6 Iomraidhean Croise

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

रोमियों 11:36

काँके हाराई ने रचबावाळो वोईस हे। वणीऊँस हाराई हे अन वीं वींका वातेईस हे। वींकी मेमा हमेस्यान वेती रेवे! आमीन।

रोमियों 15:6

जणीऊँ थाँ एक मन अन एक अवाज वेन आपणाँ परबू ईसू मसी का बापू परमेसर की मेमा करो।

फिलिपियों 2:11

अन बापू परमेसर की मेमा का वाते हारई ओ मान ले के, ईसू मसीइस परबू हे।

1 तिमुतियूस 6:16

वीं एकलाई अमर हे, वो वणी उजिता में वास करे हे, जिंमें कुई ने पोछ सके हे, ने कुई वींने कदी देक्यो हे, अन ने कुई कदी देक सकी। वींको आदर-मान अन राज हमेस्यान रेई। अस्यानीस वेवे।

1 पतरस 4:11

जद्याँ कुई उपदेस हुणावे तो वींने अस्यान हूणाणो छावे जस्यान के, वो परमेसरऊँ मल्या तका बचन ने हुणारियो वेवे। यद्याँ कुई सेवा करे, तो वो वीं तागतऊँ ज्या परमेसर वींने दिदी हे वींके जस्यान सेवा करे, जणीऊँ हारी बाताँ में ईसू मसी की वजेऊँ परमेसर की मेमा वेवे। मेमा अन तागत हमेस्या वींकीइस हे। आमीन।

1 पतरस 5:11

परमेसर को राज जुग-जुग रेवे। आमीन।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

यहूदा 1:25

वोईस एकीस परमेसर ज्यो परबू ईसू मसी की वजेऊँ छुटकारो देबावाळो हे, वींकी मेमा, पराकरम, वेभव अन अदिकार दनियाँ की रचनाऊँ पेल्याऊँ अन अबाणूऊँ लेन जुग-जुग वाते वेती रेवे। अस्यानीस वेवे।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।

परकासितवाक्य 20:6

वीं धन्न अन पुवितर हे ज्यो ईं पेला पुनरुत्थान का भागी बणी, अणापे दूजो मोत को कई अदिकार ने, पण ईं परमेसर अन मसी का याजक वेई, अन वींके हाते एक हजार वर तईं राज करी।

परकासितवाक्य 4:11

“हो माकाँ परबू अन माकाँ परमेसर! थाँईस मेमा, अन मान अन सामरत जोगा हो, काँके थाँईस हारी चिजाँ ने बणई हे। थाँकी मरजीऊँईस हारी चिजाँ बणईगी हे अन जीवे हे।”

परकासितवाक्य 5:10

थाँ वाँने परमेसर का याजक अन एक राज करबावाळा बणाया हे अन वीं धरती पे राज करे हे।”