फिलिपियों 4:15 - नुवो नेम (मेवड़ी नया नियम)

¹⁵ हो फिलिपियों, थाँ खुदई जाणो हो के हव हमच्यार का परच्यार की सरुआत में मूँ जद्याँ मकिदुनिया परदेस छोड़न परोग्यो, तद्याँ थाँने छोड़न अन कणी विस्वास्याँ की मण्डली मारी रिप्या-कोड़ी में मदत ने किदी।

फिलिपियों 4:15 Iomraidhean Croise

थरप्या तका का काम 16:40

वे जेळऊँ निकळन लुदिया के वटे ग्या, अन हंगळा विस्वास्याँ ने धिजो बन्दान पराग्या।

रोमियों 15:26

काँके मकिदुनिया अन अखाया परदेस की मण्डळ्याँ का मनकाँने यो हव लागो के, वीं यरूसलेम में परमेसर का पुवितर मनकाँ में ज्यो गरीब हे वाँने कई हे।

फिलिपियों 1:12

अबे हो भायाँ अन बेना, मूँ छावूँ हूँ के, थाँ ओ जाण लो के, मारा पे ज्यो बीती हे, वींऊँ हकीकत में हव हमच्यार की बड़ोतरी वीं हे।

फिलिपियों 1:16

भली मनसाऊँ करबावाळा परेमऊँ परच्यार करे हे काँके ओ जाणन के, हव हमच्यार ने सबूत देन साबत करबा का वाते मने चुण्यो हे।

फिलिपियों 1:5

काँके जद्याँऊँ हव हमच्यार हुण्यो हो वीं पेला दनऊँ लेन आज दन तईं हव हमच्यार फेलाबा में मारी मदत किदी हे।

फिलिपियों 1:7

थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।