फिलिपियों 2:15 - नुवो नेम (मेवड़ी नया नियम)

¹⁵ ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

फिलिपियों 2:15 Iomraidhean Croise

मत्ती 10:16

“देको हूँस्यार रेज्यो, मूँ थाँने अदिकार का हाते अस्यान बारणे खन्दारियो हूँ जस्यान गारा ने वरगड़ा का बचमें खन्दाया जावे ईं वाते हाँप का जस्यान हेंचेत रो अन परेवड़ा का जस्यान भोळा बणो।

मत्ती 17:17

ईसू वींकी बात हुणन क्यो, “अरे बना विस्वास का मनक, मूँ थाँकी लारे कतरा दन तईं रेऊँ? अन कतरा दन थाँकी बाताँ ने सेण करूँ? वीं छोरा ने मारा नके लावो।”

मत्ती 5:45

जणीऊँ थाँ आपणाँ हरग का परम बापू की ओलाद केवावो, काँके वीं भला अन बुरा दुयाँ पे आपणो सुरज उगावे हे, अन धरमी अन पापी दुयाँ पे बरका वरावे हे।

मत्ती 5:48

ईं वाते थाँ पाका बणो, जस्यान थाँका हरग का परम बापू हे।”

लूका 1:6

वीं दुई परमेसर की देकणी में घणा धरमी हा। अन परमेसर की आग्या को अन वींका नेमाँ को वीं पुरी तरियाऊँ पालण करता हा।

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

यहुन्ना 5:35

यहुन्नो तो वीं दिवा का जस्यान हो ज्यो बळतो अन उजितो देतो रेवे हे अन थाँ वींका उजिता को थोड़ाक टेम तईं मजो लेणा छावता हा।

थरप्या तका का काम 2:40

पतरस नरई बाताँ केन गवई देन अन अरज करन क्यो, “ईं खराब पिड़ीऊँ खुद ने बंचान राको।”

थरप्या तका का काम 20:30

अस्यो टेम आई जद्याँ थाँका मेंऊँस थोड़ाक मनक विस्वास्याँ ने जूट बोलन आपणाँ हाते लेई,

रोमियों 16:19

थाँकी आग्या मानबा को बखाण च्यारूँमेर वेरियो हे। ईं वाते मूँ थाँकाऊँ राजी हूँ। पण मूँ छावूँ हूँ के, थाँ भलई का वाते अकलवाळा बण्या तका रेवो अन बुरईऊँ अणजाण रेवो।

1 कुरिन्थियों 1:8

परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको।

2 कुरिन्थियों 6:17

“ईं वाते परबू केवे हे के, थाँ वणाऊँ न्यारा वेन बारणे निकळो, वणाऊँ खुद ने छेटी करो अन ज्यो खराब हे वींके कदी भी हात मती अड़ाज्यो तद्याँईस मूँ थाँने अपाणाऊँ।

इपिसियों 5:27

ताँके मसी वणी मण्डली ने अस्यी पुवितर अन बना दोस की बणान सजी-धजी तकी आपणाँ हामे लावे, ज्यामें ने कळंक, ने हळ, ने कई अस्यी कमी वे।

फिलिपियों 1:10

अटा तईं के, थाँ हवऊँ हव बाताँ ने परक सको ताँके मसी के पाच्छा आबा के दन तईं ऊजळा अन बना दोस का बण्या रेवो।

फिलिपियों 3:6

ज्योस का वाते यद्याँ केवो तो परबू का विस्वास्याँ ने हताबावाळो हो, अन जद्याँ मूसा का नेमा के जस्यान चालबा का वाते केवो तो खरो मनक हूँ।

1 थिस्सुलुनिक्यों 5:23

सान्ती देबावाळा परमेसर खुद थाँने हव तरियाँ पुवितर करी अन थाँ थाँकी आत्मा, जीव अन देह ने आपणाँ परबू ईसू मसी का पाच्छा आबा का दन तईं पुरी तरियाऊँ निरदोस बणन हाँजाहाँतरा रेवो।

1 तिमुतियूस 3:10

अणाने भी पेली मण्डली का परदान का जस्यान परक्या जाणा छावे जावे, यद्याँ अणामें कई दोस ने वे, तद्याँई अणाने मण्डली में दास का जस्यान काम करबा देणो छावे।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 5:14

ईं वाते मूँ छावूँ हूँ के, मोट्यार विदवा लुगई ब्याव करन बाळक जनमे, अन आपणाँ घर की देक-रेक करे, जणीऊँ वाँ आपणाँ दसमणा ने आपणाँ खिलाप बुरो केवाँ को मोको ने देवे।

1 तिमुतियूस 5:20

ज्यो पाप करे, वींने हाराई का हामे तापड़ जणीऊँ दूजाँ पाप करबाऊँ दरपे।

1 तिमुतियूस 5:7

हाराई विस्वास्याँ ने ईं बाताँ बता, जणीऊँ वाँका पे कुई कळंक ने लागे।

तीतूस 1:6

परदानाँ ने जिमेदारी तद्याँईस हूँपी जावे, जद्याँ वीं निरदोस वेवे अन वाँके एकीस लुगई वे, वाँका बाळक विस्वासी वेवे अन बुरा काम करबावाळा ने वेवे अन आग्या ने मानबावाळा में वाँको नाम ने वेवे।

तीतूस 2:10

अन वीं चोरी ने करे, पण पूरा मनऊँ विस्वास के जोगा बण्या तका रेवे, ताँके वीं हरेक तरियाऊँ आपणाँ बंचाबावाळा परमेसर का बचना की मेमा बड़ावे।

तीतूस 2:15

अणा बाताँ ने हिकान, पूरा हक का हाते वाँको धिज्यो बन्दा अन जटे जरूत वे वटे वाँने तापड़तो रे। पण ओ ध्यान राक के, कुई थाँरी रोळ ने करे।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

1 पतरस 2:12

जीं यहूदी ने हे वीं मनक थाँने बुरा केवे हे, पण ईंका केड़े भी वाँका बचमें थाँको वेवार अन चालचलन हव वेणो छावे, जणीऊँ जणा बाताँ में वीं थाँने दोसी जाणन बदनाम करे हे, वीं थाँका भला काम ने देकन वाँकी वजेऊँ जीं दन परबू आई, वीं दन वीं परमेसर की मेमा कर सकी।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

परकासितवाक्य 2:5

ईं वाते होस में आ अन ओ होच के, थूँ कटेऊँ पड़्यो, थूँ आपणो मन बदल अन पेल्याँ का जस्यान काम कर अन जद्याँ थूँ अस्यान ने करी, तो मूँ थाँरा नके आन थाँरा दिवा ने वींकी जगाँऊँ छेटी कर देऊँ।

परकासितवाक्य 3:9

हुणो, थाँका अटे थोड़ाक अस्या मनक हे ज्यो सेतान की मण्डली का हे वीं खुद ने यहूदी बतावे जद्याँ के वीं हाँची में कोयने। वीं जूटा हे, मूँ वाँके हाते अस्यान को वेवार करूँ, जणीऊँ वीं थाँरा नके आन थाँरा पगा में धोक खाई अन ओ जाण जाई के, मूँ थाँकाऊँ परेम करूँ हूँ।